Üç il ərzində 8 minə yaxın müəllim işdən çıxarılıb - RƏSMİ

"2022-2025-ci illər aralığından sertifikasiya imtahanlarından uğur qazana bilməyən 8 minə yaxın müəllim vəzifəsindən azad olunub".

Milli.Az xəbər verir ki, bu fikirləri elm və təhsil naziri Emin Əmrullayev İTV-nin efirində yayımlanan "Diqqət Mərkəzi" verilişində qonaq olarkən deyib.

O, bildirib ki, 2022-2025-ci illərdə təşkil olunmuş sertifikasiya imtahanlarında 80 mindən çox müəllim iştirak edib:

"Uğur qazanmış 50 min müəllimin əməkhaqqısına 10 %, 24 min müəllimin maaşına isə 35 % əlavələr olunub. 8 minə yaxın müəllim isə sertifikasiya imtahanında uğur qazana bilmədiyi üçün vəzifəsindən azad olunub. Bu da təxminən 9 % müəllimin işdən azad olunması deməkdir. Başqa sözlə, müəllimlərin 10 nəfərdən 9-nun maaşlarında artım olub".

Nazir bildirib ki, müəllimin keyfiyyətinin artırılması Azərbaycan təhsilinin inkişafı deməkdir.

Həmçinin vurğulanıb ki, 2021-ci illə müqayisədə müəllimlərin ortaq aylıq maaşlarında artım var:

"Belə ki, bu rəqəm 2021-ci ildə 533 manat idisə, cari ildə 965 manat olub. Həmçinin qarşıdakı illərdə də artımlar olacaq".

Milli.Az