Sağlamlıq

Ailənizdə infarkt olan varsa... - Araşdırmanın qorxunc nəticələri üzə çıxdı

20 Noyabr 2025 20:07

Baxış: 1 075

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Genetik xəstəlik qan xolesterini xeyli artırır.

Milli.Az xəbər verir ki, bu qənaətə "Mayo Clinic"in tədqiqatçıları gəlib.

Ailəvi hiperxolesterinemiya yüksək xolesterin səviyyəsinə və erkən ürək-damar xəstəliklərinə səbəb olan genetik vəziyyətdir. Bu xəstəlik çox vaxt simptom vermədən nəsildən-nəsilə ötürülür və insanlar çox vaxt öz vəziyyətindən xəbərsiz yaşayır. Belə hallarda qan xolesterini "pis" LDL lipoproteinlərinin səviyyəsi normaldan xeyli yüksək olur ki, bu da arteriyalarda aterosklerotik lövhələrin formalaşmasını sürətləndirir və infarkt, insult kimi ciddi fəsadlara yol açır.

Tədqiqatlar göstərir ki, ailəvi hiperxolesterinemiya nisbətən geniş yayılıb. Hər 200-250 nəfərdən biri bu xəstəliyə malikdir. Lakin mövcud milli genetik skrininq qaydaları xəstələrin böyük əksəriyyətini müəyyən edə bilmir. Ekspertlər qeyd edir ki, ailəvi hiperxolesterinemiya olan insanların təxminən 90%-i standart genetik test kriteriyalarına düşmür və çox vaxt vəziyyətini yalnız elmi tədqiqatlar zamanı öyrənir. Hətta bu qrupun hər beşindən birində artıq ürək-damar xəstəliyinin ilkin əlamətləri müşahidə olunur.

Ailəvi hiperxolesterinemiya vaxtında aşkarlanarsa, müalicə ilə xəstəliyin gedişi dəyişdirilə bilər, infarkt və insult riskləri azaldıla bilər. Genetik skrininq və erkən diaqnostikanın artırılması, müvafiq müalicə və həyat tərzi dəyişiklikləri ilə birləşdirildikdə, xəstələrin həyat keyfiyyətini yüksəltmək və həyatlarını xilas etmək mümkündür. Bu, ürək-damar xəstəliklərinə qarşı mübarizədə həyati əhəmiyyət kəsb edir.

Milli.Az