Maraqlı

Günlərlə dağlarda axtarırlar: 2-3 kq tapan "qızıl tapmış kimi" sevinir

25 Mart 2026 23:51

Baxış: 474

VTB-də minimal faiz dərəcəsi ilə nağd kredit 10.49%-dən

#TÜRKİYƏ

Türkiyədə Burdur əyalətinin Bucaq rayonunda quzuqarnı göbələyi (kuzugöbeği) mövsümü başlayıb. Katran dağı, Sazak və Əziziyə bölgələrində intensivləşən axtarışlarda təbiətdə öz-özünə yetişən bu göbələkləri tapmaq üçün vətəndaşlar günlərlə vaxt keçirirlər. Bəzən 2-3 kiloqrama çatan məhsul yığımı toplayıcılara sanki "qızıl tapmışlar kimi" böyük sevinc bəxş edir.

Milli.Az xəbər verir ki, Burdurun Bucaq rayonunda təbiətdə təbii şəkildə bitən quzuqarnı göbələyi yerli əhali tərəfindən yığılmağa başlanıb. Meşəlik ərazilərdə yetişən bu göbələk növü, yağıntıdan asılı olaraq mart, aprel və may aylarında toplanır.

Dəniz səviyyəsindən təxminən 200 metr yüksəklikdən başlayaraq mart-iyun aylarında 1600 metr hündürlüyə qədər olan ərazilərdə bitir.

Həm təzə halda bişirilə bilər, həm də qurudularaq uzun müddət saxlanıla bilər.

Göbələk toplayan Mehmet Kızıl bildirib ki, yağıntılarla birlikdə üzə çıxan quzuqarnı göbələyi bölgədə daha çox Katran dağı və Əziziyə mevkisində tapılır. O, bu işin həm də bir hobbi olduğunu vurğulayıb:

"Bəzi günlər bir neçə dənə, bəzi günlər isə 2-3 kiloqram civarında tapırıq. Tapanda sanki qızıl tapmış kimi sevinirik. Heç tapa bilməsək də, bu mövsümdə dağlarda quzuqarnı axtarmaq bizim üçün böyük həyəcandır."

Lalə Qüdrətova
Milli.Az