Şou-biznes

13-cü əməliyyatdan sonra burnunu paylaşdı

26 Mart 2026 02:02

Baxış: 363

VTB-də minimal faiz dərəcəsi ilə nağd kredit 10.49%-dən

#MÜĞƏNNİ

Türkiyəli müğənni Murat Dalkılıç 13-cü dəfə burun əməliyyatı olunub.

Milli.Az xəbər verir ki, o, sosial media hesabından paylaşım edərək nəhayət müsbət nəticə aldığını vurğulayıb. Müğənninin "İki ildən sonra burnum oldu" sözləri qısa zamanda gündəmə çevrilib.

Dalkılıç sağalma müddətinin gözləniləndən daha çətin keçdiyini, lakin hər şeyin qaydasına düşməyə başladığını qeyd edib.

Bandajlar çıxarıldıqdan sonra ilk dəfə danışan sənətçi, nitqinin yavaş-yavaş düzəldiyini və kritik mərhələni geridə qoyduğunu deyib.

Sosyal mediada burnunun görünüşünü tənqid edənlərə və "yenə alınmayıb" deyənlərə Murat Dalkılıçdan sərt cavab gəlib. O, bu əməliyyatların keyfiyyət və ya gözəllik üçün deyil, məcburi sağlamlıq ehtiyacı olduğunu bildirib:

"Bu bir estetik əməliyyat deyil, sağlamlıq mübarizəsidir. 'Yenə olmayıb' deyənlərə sadəcə gülürəm. Çox şükür, hazırda yerində duran bir burnumuz var və bu belə bizi kifayət qədər xoşbəxt edir."

Müğənni əvvəlki görüntünün bir protez olduğunu xatırladaraq, yaşadığı prosesin nə qədər ciddi və ağrılı olduğunu bir daha vurğulayıb.

Lalə Qüdrətova
Milli.Az