Dünya

23 dollara görə 14 il mağarada yaşadı - FOTO

3 Mart 2023 16:36

Baxış: 1 532

VTB-də minimal faiz dərəcəsi ilə nağd kredit 10.49%-dən

Yanacaqdoldurma məntəqəsindən 23 dollar məbləğində pul oğurlayan Çin sakini 14 il dağda mağarada gizlənib, ancaq onun əzabı bununla bitməyib.

Məlumata görə, Liu Moufu yanacaqdoldurma məntəqəsini iki şəriki ilə qarət edib. Həmin vaxt kassada cəmi 23 dollara yaxın pul olub. Bununla belə, axtarışlar başlanıb və tezliklə polis çinlinin ortaqlarını taparaq onları həbs edib. Həmin vaxt təxminən 30 yaşında olan Moufu isə qaçmağa qərar verib.

Milli.Az oxu.az-a istinadən xəbər verir ki, polis onun ailəsini dindirərkən və evində axtarış apararkən Liu günlərlə meşədə gizlənib, nəhayət dağda mağarada məskunlaşıb. O, ovla və giləmeyvə toplamaqla məşğul olub, bəzən kartof, ət götürmək və bir neçə dəqiqə valideynlərini görmək üçün kəndə qayıdıb.

Liunun ailəsi dəfələrlə ondan hakimiyyət orqanlarına təslim olmasını xahiş etsə də, kişi bundan imtina edib. Yalnız bu il o, səfilə çevrildiyini və artıq belə yaşaya bilməyəcəyini anlayıb, belə ki, bu 14 il ərzində atasının yas mərasimini buraxmaq məcburiyyətində qalıb, oğlunun toyunda iştirak edə bilməyib, nəvəsini isə ümumiyyətlə görməyib.

Moufu özü polisi mağaraya aparıb və könüllü olaraq təslim olub.

Liu hazırda nəzarət altındadır və onu 10 ilə qədər həbs gözləyir.

Milli.Az