Dünya

7 ölkə Ukraynaya Aİ üzvlüyünə şərti namizəd ölkə statusu verilməsini təklif edir

10 İyun 2022 09:15

0 Şərh Baxış: 630

#RUSİYA-UKRAYNA MÜHARİBƏSİ

Ukraynanın baş nazirinin müavini Olqa Stefanşina bildirib ki, Aİ-nin 7 ölkəsi Ukraynaya İttifaq üzvlüyünə namizəd deyil, ayrı status verilməsini təklif edir.

Milli.Az APA-ya istinadən bildirir ki, Stefanşina bunu Brüsselə səfəri zamanı jurnalistlərə bildirib.

"Ümumilikdə 7 ölkə Ukraynaya şərti namizəd ölkə statusu verilməsini təklif edir. Bunlar Şərqi Avropa və Baltikyanı ölkələr deyil. Lakin faktiki olaraq bu gün 3 ölkə Kiyev üçün yaşıl işıq yandırmaq istəmir" - deyə baş nazirin müavini bildirib.

Bununla belə, Stefanşina konkret ad çəkməyib.

Qeyd edək ki, Avropa İttifaqının 23-24 iyun tarixlərində keçiriləcək zirvə görüşündə Ukraynanın İttifaq üzvlüyünə namizədlik statusu barədə qərar veriləcək.

Milli.Az