1 paket qabartma tozu əvəzinə nə istifadə etmək olar?

Xəmir işlərində qabarmanın əsas mənbəyi olan qabartma tozu kek və peçenyelərin hazırlanmasında vazkeçilməz məhsullardandır. Lakin bu məhsul hər zaman mətbəxdə mövcud olmaya bilər. Bəzi hallarda isə daha təbii alternativlərə üstünlük verilir. Mütəxəssislər bildirir ki, 1 paket qabartma tozu əvəzinə istifadə edilə bilən həm təbii, həm də effektiv alternativlər mövcuddur. Bəs qabartma tozu olmadıqda nə etmək olar?

Milli.Az detalları təqdim edir:

Soda təkbaşına xəmiri qabartmır. Qabarmanın baş verməsi üçün onun turşu tərkibli məhsullarla reaksiyaya girməsi lazımdır. Qatıq, limon suyu və ya sirkə bu məqsədlə ən çox istifadə olunan maddələrdir.

1 paket qabartma tozu əvəzinə təxminən ½ çay qaşığı karbonat istifadə edə, üzərinə 1 xörək qaşığı qatıq və ya bir neçə damcı limon suyu əlavə edə bilərsiniz.

Xəmir təbii şəkildə qalxır, kimyəvi dad minimuma enir.

Sodanın normadan artıq istifadəsi xəmirdə acı və ya metal dad yarada bilər. Ölçüyə dəqiq riayət etmək vacibdir.

Yumurta ağı xüsusilə biskvit və keklərdə təbii qabardıcı rolunu oynayır. Ağların yaxşı köpürdülərək xəmirlə ehtiyatla qarışdırılması qabarmaya kömək edir.

Qabartma tozu əvəzinə yumurta ağlarını mikserlə sərt köpük halına gələnədək çalın və xəmirlə yavaş-yavaş qarışdırın.:

Xəmir yüngül və hava dolu olur, kimyəvi maddə istifadə edilmir.

Köpüklənmiş yumurta ağını xəmirlə qarışdırarkən ehtiyatlı olmaq lazımdır, əks halda qabarma effekti itə bilər.

Mineral su tərkibindəki qaz sayəsində qabardıcı təsir göstərir. Xüsusilə kek və pankeklərdə qabartma tozu əvəzinə istifadə oluna bilər.

Xəmirin maye hissəsini azaldaraq eyni miqdarda mineral su əlavə edin. Məsələn, 1 stəkan süd əvəzinə 1 stəkan mineral su istifadə edin.

Xəmir daha yüngül və məsaməli olur, eyni zamanda mineral baxımından zənginləşir.

Xəmir çox qarışdırıldıqda qaz təsiri azalır, buna görə qarışdırma prosesi yüngül aparılmalıdır.

Sirkə və ya limon suyu soda ilə birləşdikdə qabartma tozuna bənzər reaksiya yaradır. Bu üsul peçenye və keklərdə geniş tətbiq olunur.

Xəmirə ½ çay qaşığı karbonat əlavə edin və üzərinə 1 xörək qaşığı sirkə və ya limon suyu tökün. Reaksiya dərhal başlayır və xəmir qalxır.

Kimyəvi qatqı olmadan effektiv qabarma əldə edilir.

Reaksiya sürətli olduğu üçün xəmir dərhal sobaya qoyulmalıdır, gözlətmək qabarma təsirini azaldır.

Bəzi təbii məhsullar həm dad verir, həm də qabarmaya kömək edir. Qatıq, kefir və ya "buttermilk" (mayalanmış süd) turşulu xüsusiyyətə malikdir və karbonatla birlikdə istifadə edildikdə effektiv nəticə verir.

Reseptdəki maye miqdarı qədər qatıq və ya kefir əlavə edin və ½ çay qaşığı karbonat istifadə edin. Məsələn, 1 stəkan süd əvəzinə 1 stəkan kefir əlavə edə bilərsiniz.

Lalə Qüdrətova
Milli.Az