Sağlamlıq

Yuxusuz gecələrin səbəbi bakteriyalar imiş

17 Dekabr 2025 01:01

Baxış: 1 328

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ #AÇIQLAMA

Yuxusuzluğun gözə görünməyən səbəbi açıqlanıb.

Milli.Az xəbər verir ki, həkimlərin sözlərinə görə yuxu pozuntuları təkcə stress və ya gündəlik rejimlə deyil, bağırsaqlardakı bakteriyalarla da əlaqəli ola bilər. Belə ki, faydalı bağırsaq bakteriyalarının azalması yuxusuzluğa səbəb ola bilər.

London Universitet Kolleci xəstəxanasının somnoloqu Sara Maknillis bildirib ki, bağırsaq mikrobiomu ilə yuxunun keyfiyyəti arasında birbaşa əlaqə var. Onun sözlərinə görə bağırsaqdakı bakteriyaların tərkibi dəyişəndə yuxu pozula bilər, eyni zamanda uzunmüddətli yuxusuzluq da bu bakteriyalara mənfi təsir göstərir.

Çin alimlərinin təxminən 387 min nəfərin iştirakı ilə apardığı araşdırma göstərib ki, yuxu problemi olan insanlarda yeddi növ faydalı bağırsaq bakteriyası daha az olur. Xüsusilə laktobakteriyaların azalması diqqət çəkib.

Həkim izah edib ki, bu bakteriyalar qida liflərini parçalayaraq maddələr mübadiləsində və bağırsaq-beyin əlaqəsində rol oynayan maddələr istehsal edir. Yuxu çatışmazlığı isə zərərli bakteriyaların artmasına şərait yaradır və problemi daha da dərinləşdirə bilər.

Mütəxəssislər bildirir ki, yuxusuzluğun müalicəsində düzgün qidalanma və bağırsaq sağlamlığı da yuxu rejimi qədər vacibdir.

İsmayıl
Milli.Az