PUL
.png)
.jpg)
.png)
.png)
.jpg)
Sabit və sağlam yuxu rejimi olmayan insanlarda psoriaz xəstəliyinin ( uzunmüddətli davam edən iltihabi dəri xəstəliyi ) yaranma ehtimalı daha yüksəkdir.
Milli.Az xəbər verir ki, bu nəticə "Anhui Medical University" alimlərinin apardığı araşdırmada üzə çıxıb.
Tədqiqat "International Journal of Behavioral Medicine" jurnalında dərc edilib.
Alimlər 405,000-dən çox insanın məlumatlarını orta hesabla 14 il ərzində izləyiblər. Yuxu müddəti, yatıb-oyanma saatları, yuxusuzluq, xoruldama və gündüz yuxululuğu nəzərə alınıb. Bu göstəricilərə əsasən iştirakçıların yuxu keyfiyyəti qiymətləndirilib.
Məlum olub ki, daha sağlam yuxu rejimi olan insanlarda psoriaz riski təxminən 30 faiz daha aşağıdır. Ən güclü təsir gündüz yuxululuğu ilə bağlıdır: gündüz özünü yuxulu hiss etməyənlərdə xəstəlik riski demək olar ki, 20 faiz az olub. Digər yuxu vərdişləri də riski azaltsa da, təsiri daha zəif olub.
Tədqiqatçılar bildirirlər ki, bu nəticələr yuxunun psoriazın qarşısının alınmasında mühüm rol oynaya biləcəyini göstərir, lakin birbaşa səbəb-nəticə əlaqəsi hələ sübut olunmayıb.
İsmayıl
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.jpg)
.png)
