Dünya

Bir funta alınan zinət əşyası dəyəri minlərlə funt olan brilyant üzük çıxdı - FOTO

14 Dekabr 2021 11:42

0 Şərh Baxış: 978

VTB-də minimal faiz dərəcəsi ilə nağd kredit 10.49%-dən

#HADİSƏ

Böyük Britaniyada yerli sakinin xeyriyyə dükanından bir funt sterlinqə (2,25 manat) aldığı üzük dəyəri azı 2000 funt sterlinq (4,5 min manat) olan zinət əşyası çıxdı.

Milli.Az Oxu.az-a istinadən xəbər verir ki, məlumata görə, qadın "Antiques Roadshow" televiziya şousunda iştirak edib. Verilişdə əntiq qiymətləndiricilər yerli sakinlərlə görüşür və onların gətirdikləri əşyalara qiymət qoyurlar.

Con Benjamin adlı mütəxəssis cüzi qiymətə alınan üzüyün arxasındakı günəş işığı naxışının 1790-1800-cü illər arasında hazırlanmış zərgərlik üçün xarakterik olduğunu bildirib. O əlavə edib ki, 22 karatlıq parlaq sarı qızıl üzük çox güman ki, Hindistanda hazırlanıb.

İngilis qadın eşitdiklərindən heyrətə gəlib və üzükdəki qiymətli daşı adi rəngli şüşə hesab etdiyini etiraf edib.

Milli.Az