Türkiyə

Türkiyədə futbol hakimi matç öncəsi bıçaqlandı

28 Sentyabr 2025 21:26

Baxış: 270

VTB-də yüksək depozit faizleri daha çox qazandırır

#TÜRKİYƏ

Türkiyənin 3-cü liqasında bu axşam keçiriləcək "Altay" - "Eskişehirspor" matçının köməkçi hakimlərindən olan Emre Kaya qaldığı hotelin qarşısında bıçaqlanıb.

Milli.Az Türkiyə mətbuatına istinadən xəbər verir ki, 27 yaşlı Emre Kaya, naməlum səbəbdən üç nəfərlə mübahisə zamanı sol baldırından bıçaqlanıb.

Şübhəli hadisə yerindən qaçıb. Yaralanan Emre Kaya isə özünü xəstəxanaya çatdıra bilib. Onun xəsarətinin yüngül olduğu bildirilib və ilkin tibbi yardımdan sonra evə buraxılıb.

Hakimin verdiyi ifadəyə görə, hücum edən şəxsi tanımırmış. Mübahisə "Niyə baxırsan?" sözləri ilə başlayıb və daha sonra hücuma çevrilib.

Polis əməliyyatı ilə 3 şübhəli saxlanılıb və ifadələri alındıqdan sonra bu gün məhkəməyə göndərilib. Məhkəmənin qərarı ilə Ş.Ö., Y.K. və N.C.Ç. həbs olunublar.

Lalə Qüdrətova

Milli.Az