Cəmiyyət

İçki içən qadınlara pis xəbər

9 Dekabr 2025 19:00
Baxış: 2 120
VTB-də minimal faiz dərəcəsi ilə nağd kredit 9.9%-dən
#CƏMİYYƏT

"Əgər hər gün 100 ml-ə qədər spirt qəbul edilərsə, döş xərçəngi riski 10% artır"

Milli.Az xəbər verir ki, bu barədə "Atlas" klinikalar şəbəkəsinin onkoloq-mammoloqu, tibb elmləri namizədi Maksim İqnatov deyib. O, erkən aşkarlandığı halda xəstəliyin müalicəsinin mümkünlüyünü bildirib.

Həkim vurğulayıb ki, sağlam həyat tərzi ən vacib qorunma üsuludur:

"Ən başlıcası, düzgün qidalanmadır. Rasionda liflə zəngin məhsullar yer almalıdır, çünki bu, fitoestrogenlərin mənbəyidir. Bu maddələr endokrin sistemdən asılı olan şiş xəstəlikləri riskini azaldır. Həmçinin spirtli içkilərin məhdudlaşdırılması faydalıdır", -  İqnatov əlavə edib.

Həmçinin həkim qeyd edib ki, doğuş və sonrakı südvermə də riskin azalmasına kömək edir.

"Tədqiqatlara görə, hər 12 aylıq südvermə dövrü riskin 4,3% azalmasına səbəb olur, hər doğum isə bu riski 7% azaldır. Amma bu o demək deyil ki, hər hansı əlverişsiz şəraitdə mütləq süd vermək lazımdır".

İqnatov bütün qadınlara və yeniyetmələrə illik mammoloq müayinəsi tövsiyə edir. Həkim süd vəzilərinin USM-lə yoxlanmasını, 40 yaşdan sonra isə mammografiyanı məsləhət görür. Bu müayinələr patologiyaları erkən mərhələdə aşkar etməyə imkan verir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.