Avto

Alman avtomobil nəhəngləri böhran içində

7 İyun 2026 17:34
Baxış: 2 169
VTB-də minimal faiz dərəcəsi ilə nağd kredit 9.9%-dən
#AVTO #AVTOMOBİL #MERCEDES-BENZ

Alman avtomobil sənayesi 2026-cı ildə rəqibləri ilə müqayisədə ən zəif nəticələrini nümayiş etdirib. Buna səbəb kimi gömrük rüsumları və tariflər, beynəlxalq münaqişələr, eləcə də texnoloji problemlər göstərilir.

Milli.Az oxu.az-a istinadən xəbər verir ki, bu barədə "Reuters" agentliyi "Ernst & Young" (EY) tərəfindən hazırlanmış araşdırmaya istinadən məlumat yayıb.

EY-nin avtomobil sənayesi üzrə eksperti Konstantin Qall bildirib ki, Almaniyanın avtomobil sənayesi hazırda dərin struktur transformasiyası dövrünü yaşayır.

Onun sözlərinə görə, əsas problemlər sırasında ABŞ və Çin kimi mühüm bazarlarda mövqelərin zəifləməsi, baha başa gələn artıq istehsal gücləri, proqram təminatına yönələn yüksək investisiyalar və elektromobillərə keçidin gözləniləndən ləng getməsi yer alır.

EY-nin hesabatına əsasən, 2026-cı ilin birinci rübündə dünyanın ən böyük avtomobil konsernlərinin gəlirləri orta hesabla 2 faiz artıb. Bu dövrdə ən yaxşı nəticələri Yaponiya və ABŞ şirkətləri göstəriblər.

Eyni zamanda, Almaniya avtomobil istehsalçılarının gəlirləri 4 faiz azalıb.

EY ekspertləri hesab edirlər ki, Almaniya avtomobil sənayesində tənəzzül yaxın dövrdə də davam edə bilər və 2026-cı il sektor üçün növbəti böhran ili ola bilər.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.