İdman

Danimarka - Ukrayna matçı dayandırıldı - faciəvi səbəb

7 İyun 2026 23:06
Baxış: 2 730
VTB-də minimal faiz dərəcəsi ilə nağd kredit 9.9%-dən
#FUTBOL

Danimarka və Ukrayna yığmaları arasında keçirilən qarşılaşma Kristian Eriksenin yenidən meydanda huşunu itirməsi səbəbindən təxirə salınıb.

Milli.Az xəbər verir ki, Danimarka Futbol Federasiyası tərəfindən verilən rəsmi açıqlamada Kristian Eriksenin hazırda özündə olduğu və mövcud şərait çərçivəsində vəziyyətinin müsbətə doğru getdiyi bildirilib.

Odense şəhərində baş tutan qarşılaşmanın 63-cü dəqiqəsində Danimarka yığmasının kapitanı Kristian Eriksenin qəfildən halı pisləşib.

34 yaşlı təcrübəli futbolçunun ürəyi dayanıb və o, huşunu itirərək yerə yıxılıb.

Baş hakim dərhal oyunu dayandıraraq tibbi heyəti meydana dəvət edib. Həkimlərin yerində göstərdiyi ilkin yardımdan sonra kapitan təcili olaraq xəstəxanaya çatdırılıb.

Baş verən hadisədən sonra referilər matçı bərpa etməyərək vaxtından əvvəl bitirmək qərarı alıblar.

Xatırladaq ki, Kristian Eriksen oxşar dəhşətli hadisə ilə 2021-ci ildə, Avropa çempionatı çərçivəsində keçirilən Finlandiya ilə oyunda da üzləşmişdi. Həmin vaxt meydanda ürəyi dayanan futbolçunu həkimlər böyük çətinliklə həyata qaytara bilmişdilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.