Avto

Bu bütün maşınlarda olsa, qəzada ÖLƏN OLMAZ - VİDEO

7 İyun 2026 16:59

Baxış: 413

VTB-də minimal faiz dərəcəsi ilə nağd kredit 9.9%-dən

#VİDEO #TEXNOLOGİYA #AVTO #SÜRÜCÜ #AVTOMOBİL #SƏNAYE #YOL QƏZASI

Sosial şəbəkələrdə və avtomobil həvəskarları arasında maraqlı bir mövzu geniş müzakirələrə səbəb olub.

Milli.Az xəbər verir ki, müzakirələrin mərkəzində isə bütün avtomobillərdə "roll bar" və ya "roll cage" sistemlərinin standart şəkildə tətbiq edilməsinin mümkün olub-olmaması dayanır.

Mütəxəssislərin fikrincə, bu sistemlər xüsusilə avtomobilin aşması zamanı sərnişin kabinəsinin deformasiyaya uğramasının qarşısını almaq üçün nəzərdə tutulub. Roll bar adətən sürücünün arxa hissəsində yerləşdirilən qoruyucu konstruksiya kimi tanınır və daha çox kabriolet avtomobillərdə istifadə olunur.

Roll cage isə avtomobilin salonunu əhatə edən möhkəm metal karkasdan ibarətdir. Bu sistem əsasən peşəkar yarış avtomobillərində tətbiq edilir və güclü zərbələr zamanı sürücü ilə sərnişinlərin təhlükəsizliyini artırır.

Mövzu ilə bağlı aparılan müzakirələrdə bir çox istifadəçi belə qoruyucu sistemlərin adi minik avtomobillərində də tətbiq olunmasının yol təhlükəsizliyini artıracağını bildirib. Digərləri isə bunun əlavə çəki, salon rahatlığının azalması və istehsal xərclərinin artması kimi mənfi tərəflərinin olduğunu vurğulayıblar.

Ekspertlər qeyd edirlər ki, məsələ təkcə maliyyətlə bağlı deyil. Müasir avtomobillər xüsusi deformasiya zonaları, hava yastıqları və digər təhlükəsizlik sistemləri nəzərə alınaraq layihələndirilir. Roll cage kimi sərt konstruksiyaların gündəlik istifadə üçün nəzərdə tutulan avtomobillərdə tətbiqi bəzi hallarda əlavə risklər də yarada bilər.

Maraqlı müzakirə avtomobil həvəskarları arasında müxtəlif fikirlərin səslənməsinə səbəb olub və yol təhlükəsizliyi mövzusunu yenidən gündəmə gətirib.

Hüseyn
Milli.Az