Maraqlı

Bu meyvələri yanaşı qoymayın, çürüməni tezləşdirir

6 Noyabr 2026 02:02

Baxış: 67

VTB-də minimal faiz dərəcəsi ilə nağd kredit 9.9%-dən

#MARAQLI

"Bazardan təzə aldığım meyvələr necə bu qədər tez qaraldı?" deyənlərin mətbəxdə fərqində olmadan etdiyi böyük səhv üzə çıxıb. Eyni səbətə qoyulan bəzi meyvələrin ifraz etdiyi görünməz qaz digər məhsulların biologiyasını pozaraq saatlar ərzində çürüməsinə səbəb olur.

Milli.Az xəbər verir ki, Kaliforniya Universiteti (UC Davis) və ABŞ Kənd Təsərrüfatı Departamentinin məlumatlarına görə, meyvə səbətlərindəki yanlış düzülüş qidaları sürətlə xarab edir.

Görünməz qaz - Etilen:
Bir çox meyvə dərdikdən sonra da nəfəs almağa və etilen adlı rəngsiz, qoxusuz qaz istehsal etməyə davam edir. Bitkilərin yaşlanma və yetişmə hormonu olan bu qaz xüsusilə alma, banan, armud və avokado tərəfindən intensiv şəkildə ətrafa yayılır.

Zamanı sürətləndirən səhvlər:

Alma və banan yan-yana gəldikdə: Səbətə qoyulan tək bir yetişmiş alma yaydığı etilen dalğası ilə ətrafındakı yaşıl bananları və ya sərt avokadoları saatlar ərzində saraldıb yumşaldır, nəticədə məhsullar tez xarab olub kiflənir.

Tərəvəzlər təhlükədədir: Brokolki, xiyar, təzə marul və zərif göyərtilər etilen qazına qarşı həddindən artıq həssasdır. Almanın və ya bananın yanında qalan xiyar və ya marul saralır, yarpaqları solub əriyir. Buna görə də etilen istehsal edən meyvələr ilə yaşıl tərəvəzlər əsla eyni yerdə saxlanılmamalıdır.

Hər meyvə eyni cür hərəkət etmir: Alma, avokado və banan qoparıldıqdan sonra da yetişməyə davam edərkən; çiyələk, gilas və üzüm kimi meyvələr qoparıldıqdan sonra yetişmir.

Nə etməli?
Həssas meyvələrin və zərif tərəvəzlərin ömrünü uzatmaq üçün onları sadəcə soyuducuya qoymaq kifayət deyil; həm də səbətdəki "ölümcül ikililəri" (etilen yayan meyvələrlə həssas tərəvəzləri) bir-birindən tamamilə ayırmaq lazımdır.

Müəllif: Ülkər Vəliyeva (Milli.Az redaktor)