Maraqlı

Bağçaların baş bəlası olan ilbizlərə qarşı təbii həll yolu

8 İyun 2026 00:12
Baxış: 11 973
VTB-də minimal faiz dərəcəsi ilə nağd kredit 9.9%-dən
#MARAQLI

Bağçalardakı bitkilərə zərər vuran ilbizlər xüsusilə yağışlı və nəmli havalarda böyük bir problemə çevrilə bilir. 

Milli.Az xəbər verir ki, nəmli və isti havalarda sürətlə çoxalan bu canlılar yağışlardan sonra ortaya çıxaraq bitkilərin yarpaqlarını və gövdələrini tələf edə bilir. Kimyəvi məhsullardan istifadə etmək istəməyənlər üçün təbii sprey reseptini təqdim edirik:

Təbii zərərverici qovucunun hazırlanması
Yalnız bir neçə sadə materialla hazırlanan bu sprey yarpaq bitləri, göbələk milçəkləri, hörümçək gənələri və ilbizlər kimi bir çox bağça zərərvericisinə qarşı effektivdir.

Lazım olan məhsullar
Az miqdarda qab yuyan maye

Doğranmış qırmızı soğan

3 diş sarımsaq

1 ədəd xalapeno bibəri

İlıq su

Hazırlanma qaydası
Bir qabın içinə az miqdarda qab yuyan mayeni, doğranmış qırmızı soğanı, üç diş sarımsağı və bir ədəd xalapeno bibərini əlavə edin.

Qarışığın üzərinə ilıq su töküb yaxşıca qarışdırdıqdan sonra təxminən 12 saat saxlayın.

Müddət tamam olduqdan sonra mayeni süzərək sprey şüşəsinə doldurun.

Bu qarışıq olduqca güclü tərkibə malikdir, buna görə də bitkilərə tətbiq etməzdən əvvəl mütləq su ilə durulaşdırılmalıdır (seyrəldilməlidir).

Mütəxəssislər və bağbanlar bu növ təbii qarışıqların zərərvericiləri uzaqlaşdırmaqda faydalı olduğunu təsdiqləsələr də, tətbiq zamanı diqqətli olmağı məsləhət görürlər.

Məhlulun bitkilərə zərər verməməsi və yarpaqlarda yanıqların yaranmaması üçün spreyin səhər erkən saatlarda və ya günəş doğmazdan əvvəl vurulması tövsiyə olunur.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.