3 iqrediyentlə şokolad resepti

Ev şəraitində sadə və təbii məhsullarla hazırlanan 3 inqrediyentli şokolad dilimləri həm ara yeməklərdə, həm də çay və qəhvə süfrələrinin sevilən şirniyyatına çevrilir. Qısa zamanda hazırlanan bu desert, şokoladın intensiv dadını və bananın təbii şirinliyini birləşdirərək həm vizual, həm də dad baxımından zövq verir. Qozun qatdığı xırçıltılı tekstura isə resepti daha da cəlbedici edir.

Milli.Az bir porsiyası 200 kalori olan şokolad dilimlərinin reseptini təqdim edir:

Tərkibi

4 ədəd yetişmiş banan

200-250 qram südlü şokolad (istəyə görə bitter şokolad da ola bilər)

1 stəkan xırdalanmış qoz

Hazırlanma qaydası

Bananları çəngəll ilə yaxşıca əzin və püre halına gətirin.

Şokoladı benmari üsulu ilə və ya mikrodalğada əridin.

Əridilmiş şokoladı banan püresinə əlavə edin, üzərinə xırdalanmış qozu da qataraq yaxşı qarışdırın.

Uygun bir qaba yağlı kağız yerləşdirin və hazırladığınız qarışımı həmin qaba töküb səthini spatula ilə hamarlayın.

Qabın üzərini örtərək 4-5 saat dondurucuda saxlayın. Bu müddətdə qarışım mus konsistensiyası alacaq. Daha uzun saxlasanız, kəsilə bilən dondurma kimi daha sərt olacaq.

Soyumuş şokolad kütləsini kvadrat dilimlərə kəsərək servis edin.

Servis tövsiyəsi

Dilimləri kvadrat və ya düzbucaqlı formada kəsib dekorativ boşqaba düzə bilərsiniz.

Üzərinə xırdadılmış qoz, badam və ya az miqdarda kakao səpmək daha gözəl görünüş verir.

Çay, qəhvə və ya soyuq süd ilə mükəmməl uyğunlaşır.

Dondurucudan çıxardıqdan sonra bir neçə dəqiqə gözləmək kəsmə işini asanlaşdırır.

Vacib məqamlar

Banan seçimi: Yetişmiş banan istifadə etmək həm şirinlik, həm də ləzzətli tekstura üçün vacibdir.

Şokoladın əridilməsi: Benmari üsulu şokoladın yanmadan əriməsini təmin edir; mikrodalğada isidərkən isə qısa fasilələrlə qarışdırmaq lazımdır.

Qozun xırdalanma dərəcəsi: Qozu tam xırda doğramayın, iri parçalar desertə xırçıltı qatır.

Lalə Qüdrətova
Milli.Az