PUL
.jpg)
KONKAKAF Çempionlar Kubokunun 1/4 final mərhələsinin ilk oyununda "Los-Anceles" öz meydanında "İnter Mayami"ni 1:0 hesabı ilə məğlub edib.
Milli.Az lent.az-a istinadən xəbər verir ki, yeganə qolu 57-ci dəqiqədə salvadorlu hücumçu Natan Ordaa vurub.
"İnter Mayami"nin ulduz futbolçuları Lionel Messi, Luis Suares, Serxio Busquets və Jordi Alba tam 90 dəqiqə oynayıb. Messi bu mövsüm ilk dəfə qol vura bilməyib.
"Los-Anceles"in qapısını Fransa millisinin keçmiş Huqo Lloris qoruyub, onun keçmiş milli komanda yoldaşı Olivye Jiru isə bütün oyunu ehtiyat oyunçular arasında keçirib.
Cavab oyunu aprelin 10-da Florida ştatının Fort-Loderdeyl şəhərində baş tutacaq. Komandalar bu həftə sonu MLS-də adi mövsümdə oynayacaqlar, "İnter Mayami" evdə "Toronto" ilə, "Los-Anceles" isə səfərdə "Hyuston Dinamo" ilə qarşılaşacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
