Maraqlı

Özgüvənli insanlar bu rəngləri seçir

19 Noyabr 2025 04:04

Baxış: 2 971

VTB-də minimal faiz dərəcəsi ilə nağd kredit 9.9%-dən

#MARAQLI #PSİXOLOGİYA

Psixologiya sahəsində aparılan araşdırmalar göstərir ki, qırmızı, qara və tünd göy özünə güvəni yüksək olan insanların ən çox üstünlük verdiyi rənglərdir. Mütəxəssislər bu rənglərin həm xarakteri, həm də insanın özünü ifadə tərzini güclü formada əks etdirdiyini bildirir.

Milli.Az xəbər verir ki, rəng seçimi sadəcə geyim üslubu deyil, həm də insanın özünü necə hiss etdiyini və ətrafına hansı mesajı ötürdüyünü göstərən əhəmiyyətli psixoloji göstəricidir. Rəng psixologiyasına görə bəzi rənglər güvən, qətiyyət və daxili güclə birbaşa əlaqələndirilir.

Qırmızı rəng enerji, liderlik və diqqət çəkmə ilə bağlanır. Psixoloji araşdırmalara görə qırmızı rəng sinir sistemini oyadaraq insanda daxili güc və özünəinam hissini artırır. Özünü açıq şəkildə ifadə edən, ehtiyac olduqda ön plana çıxmaqdan çəkinməyən insanlar daha çox qırmızı rəngə üstünlük verir.

Qara sərhədlərini müəyyən edə bilən, başqalarının təsdiqinə ehtiyac duymadan hərəkət edən insanların rəngi kimi qəbul edilir. Araşdırmalar göstərir ki, qara rəng insanda ciddilik, qətiyyət və daxili balans təəssüratı yaradır. Minimalist, nəzarəti əlində saxlamağı sevən insanlar çox vaxt qara geyimə yönəlir. Bu rəng həm sadə, həm də güclü təsir yaratması ilə seçilir.

Tünd göy rəng öz güvənini nümayiş etdirmək üçün səs-küyə ehtiyacı olmayan insanların rəngi olaraq tanınır. Araşdırmalar bu rəngin insanda sakitlik, zehni açıqlıq və aşağı stres səviyyəsi yaratdığını ortaya qoyur. Buna görə də iş görüşləri, müsahibələr və peşəkar mühitlərdə lacivərtin daha çox seçilməsi təsadüfi deyil. Özünə güvənən, lakin bunu nümayişkaranə şəkildə göstərməyən şəxslər üçün ideal rəng sayılır.

Lalə Qüdrətova
Milli.Az

Milli.Az - Xəbər Portalı

Özgüvənli insanlar bu rəngləri seçir

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?