Maraqlı

89 yaşlı dietoloq bir gündə nə yediyini açıqladı: Yeganə əl çəkə bilmədiyi şey...

19 Noyabr 2025 05:05

Baxış: 4 216

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QİDA

89 yaşlı, hələ də aktiv işləyən və qida sənayesinə qarşı apardığı mübarizə ilə tanınan məşhur qidalanma professoru Marion Nestle uzun ömrünün sirrini paylaşıb.

Milli.Az xəbər verir ki, Nestle günə süd və şəkərsiz bir neçə fincan yüngül qəhvə ilə başlayır. O, "günün ən vacib yeməyi" fikrinə inanmır. Qəhvədən sonra adətən yulaf əzməsi və ya şəkərsiz tam buğda yarması yeyir, üzərinə az miqdarda qəhvəyi şəkər və mövsüm meyvələri əlavə edir.

Nestle'nin nahar yeməyi qaydasızdır; bəzən sadə salat, bəzən evdə olan yeməklər. Öz teras bağından dərdiyi təzə tərəvəz və meyvələri (kahıl, pomidor, çiyələk və s.) pendir, fıstıq və çörəklə yeməyi sevir.

Gündə iki dəfə salat yemək onun vərdişidir. Axşam yeməyi də nahar qədər sərbəstdir. Evdə olduğu zaman yumurta, kreker və pendir kimi sadə yeməklər hazırlayır. Həmçinin evinə yaxın məhəllə restoranlarına tez-tez gedir.

Nestle qida şirkətlərinə tənqidləri ilə tanınır. Onun əsas prinsipi: mümkün qədər çox işlənmiş qidalardan uzaq durmaq və ara-sıra, xüsusilə evdə hazırlanmış dondurma kimi şirniyyatlara ölçülü yer verməkdir. Hər halda, tərəvəz onun menyusunun əsas tərkib hissəsidir.

Lalə Qüdrətova
Milli.Az