İdman

Saxlanıldığı deyilən futbolçularla bağlı DİN-dən Açıqlama - YENİLƏNİB - FOTO

27 Dekabr 2024 19:19
Baxış: 2 494
VTB-də minimal faiz dərəcəsi ilə nağd kredit 10.49%-dən

Futbol üzrə Azərbaycan çempionatının I Liqa təmsilçisi olan "Mingəçevir" klubu ilə bağlı araşdırmalar başlayıb.

Komandanın 8 futbolçusunun adı oyun alverində iştirakda hallanır.

Klubdan bildirilib ki, araşdırmalar davam edir.

Daxili İşlər Nazirliyinin Mətbuat Xidmətdən apasport.az saytının sorğusuna cavab olaraq bildirilib ki, daxil olan müraciət üzrə araşdırma aparılır.

DİN-dən hadisə ilə bağlı saxlanılanların olmadığı da qeyd edilib. /Apasport.az

xxx

18:20

Azərbaycanın I Liqasında mübarizə aparan "Mingəçevir" klubunun saxlanılan futbolçularının kimliyi məlum olub.

Milli.Az oxu.az-a istinadən xəbər verir ki, saxlanılan futbolçular arasında qapıçı Mövlan Kərimov, müdafiəçi Xəyal Muradov, yarımmüdafiəçilər - Xəyal Xudaverdiyev, Tural Məmmədzadə, Muxtar Nəzərli, Fuad Əhmədov və Elnur Mirzəyevin adı hallanır.

Onlar hüquq-mühafizə orqanlarının əməkdaşları tərəfindən saxlanılıblar.

Qeyd edək ki, hadisə komandadaxili iclasdan sonra baş verib. Futbolçular toplantının ardından Mingəçevirdən Bakıya gətiriliblər.

Məsələ ilə bağlı Daxili İşlər Nazirliyinə (DİN) sorğu göndərilib.

--------

17:03

Birinci Liqada çıxış edən "Mingəçevir" klubunun 7 futbolçusu saxlanılıb. 

Milli.Az xəbər verir ki, həmin futbolçular oyun alqı-satqısında ittiham olunur. 

Bunlar qapıçı Mövlan Kərimov, müdafiəçi Xəyal Muradov, yarımmüdafiəçilər - Xəyal Xudaverdiyev, Tural Məmmədzadə, Muxtar Nəzərli, Fuad Əhmədov və Elnur Mirzəyevdir.

AFFA məsələ ilə bağlı açıqlama yayıb: "AFFA bu məsələlərdə daim sərt mövqe tutub və bundan sonra da oyunların manipulyasiya edilməsinə qarşı ciddi mübarizə aparacaq. Bəli, dediyiniz məsələdən xəbərdarıq. Sadəcə hazırda araşdırma getdiyindən məsələ ilə bağlı geniş açıqlama verə bilməyəcəyik. Araşdırma yekunlaşdıqdan sonra ictimaiyyətə ətraflı məlumat veriləcək."

Qeyd edək ki, bu barədə məlumatı ilk olaraq Sportinfo.az saytı yayıb.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.