İdman

“Trabzonspor” – “Fənərbaxça” oyununa görə 12 nəfər saxlanıldı - VİDEO

18 Mart 2024 13:14

Baxış: 860

VTB-də minimal faiz dərəcəsi ilə nağd kredit 10.49%-dən

#VİDEO #TÜRKİYƏ #FUTBOL

Türkiyə Super Liqasının XXX turu xoşagəlməz hadisə ilə əlamətdar olub.

Milli.Az İdman.Biz-ə istinadən bildirir ki, "Trabzonspor" və "Fənərbaxça" arasında görüş böyük qalmaqala səbəb olub.

Oyunboyu meydana pirotexniki vasitələr atan azarkeşlərin hərəkətləri matçın bir neçə dəfə dayandırılması ilə nəticələnib. "Trabzonspor"un künc zərbəsi zamanı qonaqların cərimə meydanın atılan yanan əşyalar Edin Dzekonun yerə yıxılmasına gətirib çıxarıb. Nəticədə matç bir neçə dəqiqəlik dayanıb.

Az keçmədən hücum edən "Fənərbaxça"nın digər üzvü Duşan Tadiç kənar əşyaların "qurbanı" olub. Onun yerdə qalması üzündən bu dəfə də oyunda məcburi fasilə yaranıb.

Köməkçi hakim Kerem Ersoy da pirotexniki vasitələrdən zərər çəkənlərə qoşulub. Baş hakim Halil Umut Meler briqadasını yanına çağırdıqda da oyunda fasilə yaranıb. Stadionda tamaşaçılara belə hərəkətlərə yol verməməklə bağlı müraciətdən sonra qarşılaşma davam edib.

Amma azarkeşlər oyundan sonra da dayanmayıb. Trabzon təmsilçisinin məğlubiyyətindən narazı fanatlar meydana daxil olublar.

Qeyd edək ki, matç qonaqların 3:2 hesablı qələbəsi ilə nəticələnib.

Milli.Az
Xəbərlərimizi WhatsApp kanalımızdan da oxuyun