Hadisə

"Manato" vətəndaşlara hədə-qorxu gəlir: "Cinayət işi açılacaq" - FOTO

25 Noyabr 2025 10:15

Baxış: 11 694

VTB-də minimal faiz dərəcəsi ilə nağd kredit 9.9%-dən

"Manato" bank olmayan kredit təşkilatı vətəndaşlarıı hədələyir.

Bununla bağlı Milli.Az-a şikayət daxil olub.

İddialara görə, "Manato" bank olmayan kredit təşkilatı vətəndaşa onlarla əlaqə saxlamadığı təqdirdə barəsində axtarış veriləcəyi ilə bağlı xəbərdarlıq mesajı göndərib.

Şikayətçi qeyd edib ki, tərəflər arasında heç bir məhkəmə prosesi olmadan bu cür xəbərdarlıqlar qanunsuz və hədə xarakterlidir.

Bəs bank olmayan kredit təşkilatlarının bu cür addım atmağa hüquqi səlahiyyəti varmı?

Əgər gecikmə olduğu təqdirdə, borcalan gizlənməyə başlayır və bank əməkdaşlarının zənglərinə cavab vermirsə, o zaman bankın həmin müştərini məhkəməyə vermək hüququ vardır. Bir qayda olaraq, bank hər zaman bu tipli məhkəmə proseslərində qazanan tərəf olur. Borcalan isə məhkəmə çəkişməsindən sonra borcunu ödəməyən biri kimi bir çox bankların "qara siyahı"sına daxil edilir. Bundan sonra həmin şəxsin kredit tarixçəsi pozulduğu üçün artıq ona heç bir bank kredit vermir.

Kredit borcuna görə, vətəndaşların həbs edilməsi həm daxili qanunvericiliyə, həm də beynəlxalq konvensiya ziddir. Belə ki, vətəndaş kredit borcuna görə, o vaxt inzibati və ya cinayət məsuliyyətinə cəlb oluna bilər ki, bank və ya bank olmayan kredit təşkilatından kredit götürən şəxs kredit müqaviləsinə əlavə edilmiş ödəniş cədvəlinə uyğun olaraq, kredit borcunu banka qərəzli şəkildə ödəmir və kredit təşkilatı preblemli kredit kimi qeydə almalı, yaranmış preblemi təhlil etməli və ödənişə nail olmalıdır. Vətəndaş ödəniş edə bilmədikdə, bank məhkəməyə müraciət etməli və müvafiq məhkəmə qərarı qanuni qüvvəsini aldıqdan sonra qərar borclunun yaşadığı və ya işlədiyi ərazidəki icra məmuruna göndərilməlidir:

Mina Mikayılova
Milli.Az