İdman

Tarixdə ən gənc "Formula-1" çempionu oldu

2 Noyabr 2026 13:27

Baxış: 398

VTB-də minimal faiz dərəcəsi ilə nağd kredit 9.9%-dən

#MARAQLI #FORMULA 1 #F1

"Mercedes" komandasının pilotu Andrea Kimi Antonelli "Formula-1" üzrə dünya çempionatında vaxtından əvvəl titul qazanaraq adını avtoidman tarixinə yazdırıb.

Milli.Az xarici mətbuata istinadən xəbər verir ki, italiyalı sürücünün çempionluğu rəsmiləşdirməsi üçün Meksika Qran-prisini ilk doqquzluqda başa vurması yetərli olub. Antonelli yarışı üçüncü pillədə tamamlayaraq bu hədəfin öhdəsindən gəlib.

Mexikoda təşkil olunan mərhələdə qələbə "Red Bull"un pilotu Maks Ferstappenə qismət olub. "Ferrari"ni təmsil edən Lyuis Hemilton finişə ikinci çatıb. Komandanın digər sürücüsü Şarl Lekler isə dördüncü yeri tutub.

Qeyd edək ki, 2025-ci ildən "Mercedes"də çıxış edən Antonelli mövsüm ərzində doqquz dəfə yarış qalibi olub. O, "Formula-1" tarixinin ən gənc dünya çempionu kimi rekorda imza atıb.

Bundan əvvəl bu göstərici 2010-cu ildə 23 yaşında ilk çempionluğunu qazanan almaniyalı Sebastyan Fettelin adına idi.

Çempionatın növbəti mərhələsi noyabrın 8-də Braziliyanın San-Paulu şəhərində keçiriləcək.

Müəllif: Tural Hüseyn (Milli.Az redaktor)