Ölkə

Ceyranbatan gölündən meyit tapılıb? - Rəsmi açıqlama

2 Noyabr 2026 14:08

Baxış: 644

VTB-də minimal faiz dərəcəsi ilə nağd kredit 9.9%-dən

Ceyranbatan gölündən meyit tapılması ilə bağlı yayılan məlumat həqiqəti əks etdirmir.

İri Şəhərlərin Su Təchizatının Mətbuat Xidmətindən Milli.Az-a bildirilib ki, bəzi media orqanlarında yayılan bu məzmunlu xəbərlər yanlış təqdim olunub.

Qurumun açıqlamasına görə, Ceyranbatan Su Təchizatı İdarəsinin su təchizatı sistemləri üzrə qəza-bərpa və təmir işləri qrupunun ustası Mahir Ramazanov iş otağında qəfil vəfat edib.

Hadisə yerinə hüquq-mühafizə orqanlarının və təcili tibbi yardım briqadasının əməkdaşları çağırılıb. İlkin tibbi rəyə əsasən, Mahir Ramazanov ürək tutması nəticəsində dünyasını dəyişib.

Qurum yayılan məlumatların dəqiqləşdirilmədən ictimailəşdirilməməsini xahiş edib və media nümayəndələrini bu cür hallarda əvvəlcə mətbuat xidməti ilə əlaqə saxlamağa çağırıb.

Qeyd edək ki, qurum mərhumun ailəsinə və yaxınlarına başsağlığı verib.

Müəllif: Tural Hüseyn (Milli.Az redaktor)