Cəmiyyət

Canavar hücumları sakinləri təşvişə saldı

25 Noyabr 2025 17:25

Baxış: 1 121

VTB-də minimal faiz dərəcəsi ilə nağd kredit 9.9%-dən

#HADİSƏ

Kürdəmirdə canavarların xırdabuynuzlu heyvanlara hücumu kənd sakinlərini təşvişə salıb.

Milli.Az xəbər verir ki, hadisə rayonun Çölqubalı kəndində baş verib. Məlumata görə, kənd sakini Şahin Səfərova məxsus təsərrüfatda canavar sürüsü 16 baş qoyunu parçalayaraq tələf edib.

Kənd camaatı bildirir ki, ətrafın meşəlik və sıx yulğunlarla örtülü olması səbəbindən vəhşi heyvanlar tez-tez yaşayış məntəqəsinə yaxınlaşır. Son bir həftədə canavarlar bir neçə dəfə sürü halında kəndə daxil olaraq sakinlərin onlarla heyvanını öldürüb, bir neçəsini isə yaralayıb.

Sakinlərin sözlərinə görə, təhlükə yalnız mal-qaraya deyil, insanlara da aiddir. Onlar iddia edirlər ki, ötən il canavarlar kəndlilərdən birinə hücum edərək ciddi xəsarətlər yetiriblər.

Sakinlər hazırda problemin aradan qaldırılması üçün qurumlardan kömək istəyirlər.

Asya
Milli.Az