Maraqlı

22 yaşında yaratdığı məhsulla 1 ilə milyonçu oldu

25 Noyabr 2025 00:23
Baxış: 12 811
VTB-də minimal faiz dərəcəsi ilə nağd kredit 9.9%-dən
#DÜNYADA

Finlandiyalı gənc sahibkar Emilia Karttunen hazırladığı məhsulla qısa müddətdə böyük uğur qazanıb. Hazırda 23 yaşında olan Karttunen keçən il qurduğu şirkətlə cəmi bir neçə həftə ərzində 1 milyon avrodan artıq dövriyyəyə çatıb. Onun sürətli yüksəlişi ölkədə ən çox diqqət çəkən uğur hekayələrindən birinə çevrilib.

Milli.Az xəbər verir ki, Karttunen tərəfindən hazırlanmış pizza mafinləri bu ilin yanvar ayında Finlandiyanın böyük pərakəndə şəbəkələrindən biri olan S-Group-un dondurulmuş məhsullar şöbəsində satışa çıxarılıb. Gənc sahibkar öz biznesini qurmağın düşündüyündən daha rahat və sürətli inkişaf etdiyini bildirib.

Karttunen S-Group-un təşkil etdiyi resept müsabiqəsinin qalibi olaraq məhsulunu birbaşa mağaza rəflərinə çıxarma imkanı qazanıb. Müsabiqə çərçivəsində o, altı ay davam edən intensiv inkişaf proqramına qatılıb və bu müddətdə peşəkar məhsul idarəçiliyi mövzusunda mühüm təcrübə əldə edib.

İki məşhur qəlyanaltının birləşməsi kimi hazırlanan pizza mafinləri qısa müddətdə ölkə üzrə geniş maraq doğurub. S-Group-un Qida Pərakəndə Direktoru Antti Oksa, istehlakçıların məhsulu sürətlə mənimsədiyini deyib.

Karttunen məhsulun bu qədər tez populyarlaşacağını əvvəlcədən gözləmədiyini açıqlayıb. Hazırda o, yeni dad üzərində işləyir və məhsul çeşidini genişləndirməyə hazırlaşır.

Satışların ilk dövrdəki sıçrayışı bir qədər sabitləsə də, gənc sahibkar Finlandiyada dondurulmuş pizzaların ən çox alındığı dövr olan dekabr ayında pizza mafinlərinin yenidən satış zirvəsinə qalxacağını gözləyir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.