Ölkə

Yol polisi idarəsinin paylaşdığı video müzakirələrə səbəb oldu - "Problem yoldadır" - VİDEO

25 Noyabr 2025 17:11

Baxış: 1 593

VTB-də minimal faiz dərəcəsi ilə nağd kredit 9.9%-dən

#VİDEO #SÜRÜCÜ #YOL POLİSİ

Dövlət yol polisi idarəsinin paylaşdığı video müzakirələrə səbəb olub.

Milli.Az-ın məlumatına görə paylaşımda bildirilib ki, hərəkət zolağının düzgün seçməsi təhlükəsizliyin əsas şərtidir. Nəqliyyat axınının nizamlı və ahəngdar olması üçün sürücülər yolun hərəkət hissəsində sağ zolaqla hərəkət etməlidirlər. Bu, qanunvericiliyin tələbidir.

Normal hərəkət zamanı yolun sağ kənarı ilə hərəkət edilməlidir. Yaşayış məntəqələrindən kənarda və "Avtomagistral və ya Avtomobillər üçün yol" nişanı olan yerlərdə sağ zolaq boş olduqda sol zolaqda hərəkət etmək qadağandır.

Lakin, sürücülərin zolaqda düzgün yerləşməsinə dair paylaşılan video sürücülər tərəfindən birmənalı qarşılanmayıb.

Sosial şəbəkələrdə şərh yazan sürücülər paylaşılan videoda problemin yolda olduğunu qeyd ediblər:

"Bakı-Qazax yolunda sağ yol bərbad gündədir. Sürücülər də məcbur olaraq sol yolla sürürlər".

"Bakı Gəncə yolunda sağ zolaqla hərəkət etmək mümkün deyil, yol çox bərbaddır. Yük maşınları yolu yararsız hala salıb, ona görə də özüm daxil əksər sürücülər yolun sol zolağı ilə hərəkətdə olurlar. Yol normal olsa, heç bir sürücü keyfindən sağ zolaqdan sola çıxmaz", - deyə sürücülər qeyd ediblər.

Milli.Az