İdman

Avropa Oyunlarında növbəti bürünc medal

26 İyun 2023 20:30
Baxış: 683
VTB-də minimal faiz dərəcəsi ilə nağd kredit 10.49%-dən

Azərbaycanın muaytay millisinin daha bir üzvü Polşada keçirilən III Avropa Oyunlarını üçüncü pillədə başa vurub.

Milli.Az AZƏRTAC-a istinadən bildirir ki, turnirdə 57 kiloqram çəki dərəcəsində çıxış edən idmançımız Aysun Devrişova yarımfinalda İsveç təmsilçisi Patrisiya Axlinqə uduzaraq bürünc medalla kifayətlənməli olub.

Daha əvvəl digər idmançımız Xəyal Əliyev (67 kq) bürünc medal əldə etmişdi.

İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparır. Atletlər idmanın 29 növü üzrə 253 dəst medal uğrunda yarışırlar. Azərbaycan "Krakov-2023"də idmanın 13 növü üzrə 86 idmançı ilə təmsil olunur.

Qeyd edək ki, tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında "Bakı-2015"də 2-ci, "Minsk-2019"da 10-cu yeri tutub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.