Cəmiyyət

Şəhid pilotumuzun anım günüdür

24 İyul 2023 08:06

Baxış: 1 228

Bu gün şəhid pilot, Azərbaycan Hərbi Hava Qüvvələrinin polkovnik-leytenantı Rəşad Atakişiyevin anim günüdür.

Milli.Az axar.az-a istinadən bildirir ki, 2019-cu il iyul ayının 24-də Xəzər dənizi üzərində gecə vaxtı döyüş şəraitinə maksimum yaxınlaşdırılmış təlimlər zamanı Rəşad Atakişiyevin idarə etdiyi MİQ-29 təyyarəsi ilə radio və radar əlaqələri kəsilmiş, təyyarə müammalı şəkildə Siyəzən rayonunun Zarat kəndi yaxınlığında dənizə düşmüşdü. 20 gündən çox aparılan intensiv axtarışlar nəticəsində onun nəşi və təyyarənin qalıqları dənizin dibindən çıxarıla bilmişdir. İgid pilotun dəfn mərasimi təntənəli şəkildə Azərbaycan hakimiyyəti tərəfindən təşkil olunmuş və o 2-ci Şəhidlər Xiyabanında dəfn edilmişdir.

Allah rəhmət eləsin.

Milli.Az