Günün qoroskopu: Emosional davranmayın

Qoç - ehtiyatlı və sayıq olun. Problem və çətinliklər istisna deyil. Hər xırda problemi ürəyinizə salmayın. İşlər rəvan deyilsə, problemin həlli yolunu arayın. Təmkinli, soyuqqanlı olun.

Münaqişələrdən yan qaçmayın. Problemlər yaranarsa, səbəbkarlar yaxın ətrafınızdakı insanlardır.

Qarışıq, laübəli gündür. Nə isə itir, kimsə gecikir, əvvəl əldə edilmiş razılaşmalar pozulur. Yaşananlara sakit yanaşın, nikbin olun.

Axşam saatlarında dincəlin.

Buğa - tərəfdaş və müttəfiq arayın. Onları hətta bu günədək sizə bədxahlıq edən insanların arasında tapa bilərsiniz.

Dəvət aldığınız tədbirə qatılın. Vaxtınızı xoş keçirməklə yanaşı, yeni və faydalı tanışlıqlara nail ola bilərsiniz.
Yaradıcılıqda uğur, irəliləyiş mümkündür.

Təmir, evdə və ya ofisdə yenilənmə üçün uğurlu gündür.
Həyat potensialı yüksəklir, yorğunluq riski yoxdur.

Əkizlər - önəmli və ciddi qərarlar qəbul etməli olacaqsınız. Narahat olmayın, çəkinməyin. Yaxın ətrafınızdakı insanlar üçün yardımçı, hətta lider olun.

Çaşıb qalan, problemlərin təsirindən özünü itirən insana yardım edin. Çətin vəziyyətə düşənə kömək əlinizi uzadın.

Enerjiniz çoxdur, məsuliyyətli davranın.
Həyatınızda kiçik detallarla yanaşı, ciddi məqamı dəyişə bilərsiniz.

İntuisiyanıza güvənin. Hissləriniz siz məhz can atdığınız yerə apara bilər.

Xərçəng - tələskən və hövsələsiz davranmayın.

Uğurlu gündür, amma hövsələsizlik səhvlərə və yanlışlıqlara səbəb ola bilər. Bütün problemləri müstəqil, təkbaşına həll etməyə ehtiyac yoxdur. Yaxın ətrafınızda sizə yardım etməyə hazır insanlar var.

Nüfuzlu insandan dəstək ala bilərsiniz.

Yeni tanışlıq, romantik macəra istisna deyil. Ciddi münasibətlərin bünövrəsi qoyula bilər.
Hədiyyə, sürpriz də mümkündür. Alış-verişdə məntiqli davranın.

Şir - yeni təəssüratlar, təcrübə və bilik axtarışına çıxın. Macərapərəst olmayın. Başladığınız hər işi uğurla başa vura bilərsiniz.

Çətin məsələlərin həllində təmkinli davranın.
Peşəkar həyatda və şəxsi münasibətlərdə dəyişikliklər ola bilər.
Qəfil, amma xoş yeniliklər istisna deyil.

İşlər çoxdur və axşama yaxın ciddi yorğunluq hissi yaranacaq. Orqanizminizi sınağa çəkməyin.
Ağır fiziki iş, yağlı yemək və səhhət üçün zərərli təamlardan imtina edin.

Axşam saatlarında səhhətinizə fikir verin.

Qız - ünsiyyət, mühüm məsələlərin müzakirəsi, səylərin birləşdirilməsi üçün önəmli vaxtdır. Yaxın ətrafınızdakı insanların maraqlarını nəzərə alın, onların hisslərini anlamağa çalışın.

Yaxşı tanımadığınız insanların sizə qarşı yönələ biləcək planlarının reallaşması üçün münbit zəmin hazırlamayın.
Ailə tədbirləri üçün əlverişli vaxtdır.

Yeni işə, sifarişin yerinə yetirilməsinə, layihəyə başlaya bilərsiniz. Kiçik səfərlər uğurlu, uzun səyahət isə uğursuz olacaq.

Alış-veriş üçün düşərli gündür.

Tərəzi - rahatlıq və sakitlik axtarışında olsanız da, günün ilk yarısı intensiv çalışmağı tələb edir.
Əks cinsin mənsubu ilə rahatlıqla dil tapacaqsınız. Köməyə ehtiyacı olan insana real dəstək verin.

Rutin, eyni işlər usandıra bilər. Yeni və qeyri-adi nə isə arayırsınız. Orijinal layihəyə və ya işə başlamaq olar.

Günün ikinci yarısında vaxt taparaq son vaxtların ən mühüm olaylarını təhlil edin.
Gözlənilməz nəticələr hasil ola bilər.

Əqrəb - çətin qərarlar qəbul etməyə, başqalarına görə məsuliyyəti öz üzərinizə götürməyə hazır olun. Qətiyyətli, inadkar və əzmkar olun.

Yaxın ətrafınızdakı insanlara təsir edə biləcək təmkin və soyuqqanlılıqla irəliləyin. Nüfuzlu insanlarda xoş təəssürat yaradın.
İşgüzar münasibətlərə dəyişikliklər etmək, yeni məqamları müəyyənləşdirmək olar.
Ofisdə və evdə yeniliklər üçün xeyirli gündür.

Evdə kiçik təmirə başlamaq olar.
Tamamilə fərqli, yeni sahədə qüvvənizi sınayın. Yeni gəlir mənbələri yarana bilər.

Oxatan - çətin və qarışıq gün olacaq. Uğura nail olmaq mümkündür, lakin bunun üçün ciddi səylərə ehtiyac var. Etibarlı müttəfiqlərdən yardım istəməkdən çəkinməyin.
Onlar məhz ən ciddi anda köməyinizə gələcək və sizə kömək edəcəklər.
Kiçik problemlərə ifrat önəm verməyin. Həmin müşküllərin hamısını çözmək olar.

Böyük miqyaslı işi nəzərdə tutan razılaşma və ya anlaşma üçün müvafiq gün deyil. Maliyyə ilə bağlı məsələlərdə ehtiyatlı olun.

Günün ikinci yarısında yaşam tonusu aşağı düşəcək. Adi günlərlə müqayisədə daha çox yorulacaqsınız.
Axşam saatlarında istirahət edin.

Oğlaq - uzunmüddətli nəticələri ola biləcək məsuliyyətli qərar və addımlar günüdür. Bəzən sevmədiyiniz işi görməli olacaqsınız. Amma iradəli olun, fantaziyanı işə salın və görməli olduğunuz işi başa vurun.

Maliyyə, vergi, sığorta, əmlakla bağlı məsələləri həll etmək olar.
İşdə və şəxsi münasibətlərdə eksperimentlər üçün uğurlu güdür.

Yeniliklər düşərlidir.
Romantik təmaslar pis alınmır. Şəraitin və yaşam ortamının dəyişməsi sevdiyiniz insanla münasibətlərə yaxşı təsir edəcək.

Dolça - istənilən mühüm, hətta ən mürəkkəb işlər üçün əlverişli vaxtdır. Təşəbbüskar olun. Planlarınız tezliklə dəstək alacaq.

Bu gün reallaşdıra biləcəyiniz ideyalar mütləq gəlir verəcək.
Vaxtınızı boş işlərə sərf etməyin.

Süst olmasanız, məqsədə çatmaq, planların bəzilərini gerçəkləşdirmək olar.

Günün ikinci yarısı ünsiyyət və yeni tanışlıqlar üçün əlverişli vaxtdır. Yaxın ətrafınızdakı insanların xahiş və istəklərini cavabsız qoymayın. Sizə dəyərli olan insanla ümumi dil tapın.

Yaradıcı layihəyə başlamaq olar.

Balıqlar - narahatlıq və nigaranlıq üçün səbəblər yarancaq. Problemlər ciddi olsa da, fikriniz dağılacaq. Sakitləşmək və bütün diqqəti işlərə yönəltmək asan olmayacaq. Bir çox məsələlər həlli tapmadığından gərginlik arta bilər.

Emosional davranmayın, aktiv fəaliyyətə başlayın. Sakitləşməyinizi istəyən insanların məsləhətlərinə qulaq asın.

Günün ikinci yarısı xoş sürprizlər vəd edir. Köhnə dostlarla görüş olacaq. Sizi yaxşı xəbərlər gözləyir.
Alış-verişdə bədxərclik etməyin. İri məbləğdə məsrəfləri təxirə salın.

Milli.Az