Sağlam qida

Almalı pankeyk (10 ay+)

24 Fevral 2020 13:51

Baxış: 1 559

#QİDA

Ana namizədlərinin bilməsi olan ən vacib məsələlərdən biri odur ki, körpənizə verəcəyiniz hər bir ərzaq, onun sağlamlığına fayda verməlidir. Zərərli olan bir sıra ərzaqlardan uzaq olmaq vacibdir. Körpəyə vaxtaşırı təbii şəkildə yetişən alma verildikdə, onun sümük və əzələ inkişafı üçün çox
faydalı olmasını bilməlisiniz.

Verilən bir qaşıq alma ilə körpənizin mədə pozğunluğu aradan qalxır. Unutmayın ki, sağlam qidalanan körpənin inkişafında heç bir problem yaşanmır. Almanın, boy uzanmasına çox faydalı olması da artıq hər kəsə məlumdur. Bu qədər çox faydalı olan bir meyvə mətbəxinizdən əskik edilməməlidir.

Körpələr alma yeyə bilərmi?
Altı ayı tamam olan körpəyə alma püre şəklində bir çay qaşığı olaraq verilə bilər. Sonra bir çay
qaşığı iki çay qaşığı şəklində artırılaraq verilir. Uşağınıza verəcəyiniz alma gündəlik və təzə
olmalıdır.

Alma pankeyki üçün inqridientlər;

1 ədəd yumurta sarısı,
1 ədəd alma,
2 xörək qaşığı su,
2 çay qaşığı buğda unu (unun miqdarını konsistensiyaya görə ayarlaya bilərsiniz),
2 çay qaşığı "Zeytun Bağları" zeytun yağı.

Alma pankeykinin hazırlanma qaydası,
Bu yemək üçün almanı iki cür hazırlamaq olar:
Əgər körpəniz ilk dəfə alma ilə tanış olursa, almanı buxarda bişirib, kiçik rəndədən keçirə
bilərsniz. Əgər körpəniz artıq alma ilə tanış olubsa, o zaman almanı çox xırda süzgəcdən
keçirərək, istifadə edə bilərsiniz. Hazırlanmış almaya yumurtanın sarısını, un əlavə edib, yaxşı
qarışdırın. Zeytun yağı əlavə olunan tavaya hazırladığımız qarışımı düzüb, ağzı bağlı halda hər
iki tərəfəni bişiririk.