Siyasət

"Həmsədrlər Azərbaycanın azad edilmiş ərazilərinin bərpasına dəstək göstərməlidir"

25 Fevral 2021 19:31
Baxış: 434

Sabah Azərbaycan xalqı böyük hüznlə Xocalı soyqırımının 29-cu ildönümünü anacaq.

Milli.Az Trend-ə istinadən bildirir ki, bunu ATƏT Parlament Assambleyasının vitse-prezidenti Azay Quliyev Assambleyanın qış sessiyasında deyib.

O bildirib ki, bu günədək 16 ölkə və ABŞ-ın 22 ştatı bu hadisəni soyqırımı akt kimi tanıyıb və hər il bu say artmaqda davam edir. Onun sözlərinə görə, Azərbaycanda prokurorluq bu dəhşətli cinayətlə bağlı çoxsaylı sübutlar toplayıb, amma təəssüf ki, beynəlxalq dəstək olmadığı üçün bu faciədə günahkar olan şəxslər nəinki azadlıqdadır, hətta Ermənistan hökumətində yüksək vəzifələr tutur:

"Mən ayrı-ayrı ölkələri, ATƏT və digər təşkilatları Azərbaycan xalqı ilə həmrəy olmağa, cinayətkarların məsuliyyətə cəlb olunması üzrə tədbirləri dəstəkləməyə çağırıram".

A.Quliyev əlavə edib ki, ATƏT Minsk qrupunun həmsədrləri Azərbaycanın azad edilmiş ərazilərinin rekonstruksiyasına və post-münaqişə bərpasına dəstək göstərməlidir.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.