Siyasət

İbrahim Kalın: “Ərdoğan Ermənistanın işğalçı olduğunu Putinə açıq şəkildə izah etdi”

28 İyul 2020 13:50

Baxış: 2 306

#TÜRKİYƏ #RUSİYA #DAĞLIQ QARABAĞ MÜNAQİŞƏSİ

Burada işğalçı olan Ermənistandır. Hörmətli Prezidentimiz bunu dünən hörmətli Putinə də açıq şəkildə izah etdi.

Milli.Az APA-ya istinadən xəbər verir ki, bunu Türkiyə Prezidenti Rəcəb Tayyib Ərdoğanın sözçüsü İbrahim Kalın "CNN Türk"ə müsahibəsində deyib.

"Biz Azərbaycanın yanındayıq. Prezidentimizin münasibəti belədir. Bununla bağlı ən kiçik tərəddüd belə yoxdur. Azərbaycana təhdid haradan gəlirsə gəlsin, Türkiyə Azərbaycanın yanında olmağa davam edəcək. Amma bu, diplomatik kanalların bağlanması mənasına gəlmir. Putinlə telefon danışığı zamanı çox yaxşı bir nöqtəyə gəlindiyini söyləyə bilərəm", - İ.Kalın vurğulayıb.

Qeyd edək ki, dünən Türkiyə və Rusiya prezidentləri Rəcəb Tayyib Ərdoğan və Vladimir Putin arasında telefon danışığı olub.

Milli.Az