Müsavat nümayəndəsi müşahidəçini boğdu: ŞOK SEÇKİ POZUNTUSU - VİDEO

Söz yox ki, müxalifətin "siyasət arenası"nda illərdir hansı hiyləgər metodlardan istifadə etdiyi hamımıza məlumdur. Bəli, illərdir ki, müxalifət tərəfi səsvermə məntəqələrinə ayaq basar-basmaz dərhal "pozuntu" qışqırmağa başlayır, halbuki onların ən böyük pozuntusu məhz özləridir. Bu dəfə isə əsl komediya səhnəsində Müsavat partiyasının üzvü Eldar Tağıyevin əməli qarşılaşırıq.

Gəlin açıq danışaq: hansı siyasi mənada pozuntudan söhbət gedir? Axı bu, adi bir zarafat deyil, bu bir tragikomediyadır. Görünür, müxalifət nəinki səs qazanmaq niyyətindədir, əksinə, öz uğursuzluqlarını qabaqlamaq üçün dərhal şikayətlərə başlamağı "strateji plan" olaraq qəbul edib. Gah montaj edilmiş videoları "fakt" kimi göstərir, gah da öz tərəfdarlarının törətdiyi qarşıdurmaları "pozuntu" kimi qələmə verirlər. Elə bil ki, səsvermə məntəqələrində "stəkanda fırtına" yaratmaq müxalifətin yeni milli idman növüdür.

Müsavatın lideri İsa Qəmbər və onun keçmiş başqanı Arif Hacılının təntənəli "pozuntu" iddiaları fonunda, özlərinin təmsilçisi Eldar Tağıyev isə daha "kreativ" bir addım atıb. Bu, siyasi "mübarizə"nin tamamilə yeni bir səviyyəsidir! 8 saylı Binəqədi seçki dairəsinin 30 saylı məntəqəsində Tağıyev məhz müstəqil müşahidəçi Kamil Hüseynovu boğaraq öz dərin "seçki təcrübəsini" ortaya qoydu. Əlbəttə, bu, siyasi "pozuntuların" zirvəsi hesab edilməlidir, amma gözləyin, bəlkə də gələcəkdə daha kreativ yollar da tapacaqlar.

İndi isə gəlin düşünək: Bəs Müsavatın liderləri İsa Qəmbər və Arif Hacılı, "pozuntu" deyəndə nəyi nəzərdə tuturlar? Onlar, yəqin ki, öz nümayəndələrinin müstəqil müşahidəçiyə qarşı bu qeyri-adekvat hərəkətindən danışırlar. Yoxsa, yoxsa, onlar doğrudanmı ciddi şəkildə səsvermədə hansısa texniki nasazlıqlardan narahatdırlar? Axı bu sualın cavabı məhz Eldar Tağıyevin boğma hərəkətində gizlənib.

Bu hadisə bir daha göstərir ki, müxalifətin yeganə "strategiyası" öz uğursuzluqlarını gizlətmək üçün "pozuntu" iddiaları irəli sürməkdir. Amma, əlbəttə ki, bu iddiaların özü də pozuntunun bir parçasıdır. Gah kameraların qarşısında "boğma" çıxışları edir, gah da bu boğma səhnəsini "müstəqil müşahidəçinin pozuntuya qarşı müdaxiləsi" kimi təqdim etməyə çalışırlar.

Radikal və artıq siyasi koma vəziyyətində olan müxalifət məğlub olacağını bildiyi üçün artıq səsvermə prosesində uydurma "pozuntulardan" danışır. Gah hansısa montaj edilmiş görüntüləri "fakt" kimi təqdim edir, gah məntəqələrə hücum edərək, qarşıdurma yaradır və öz əməllərini "pozuntu" kimi göstərir. Bir sözlə "stəkanda fırtına yaratmaq"la məşğuldurlar.

Ən diqqətçəkən məqam isə "seçki pozuntularından" danışan Müsavat partiyasının başqanı İsa Qəmbər və keçmiş başqan Arif Hacılının nümayəndəsinin törətdiyi əməldir.

Kadrdan da görünür ki, Müsavat üzvünün törətdiyi əməl birbaşa seçki pozuntusu və fiziki güc tətbiq edilməsidir.

Yəqin İsa Qəmbər və Arif Hacılı başda olmaqla Müsavat partiyası "pozuntu" deyəndə öz nümayəndələrinin törətdiyi əməldən danışırlar.Beləliklə, müxalifətə məsləhətimiz odur ki, bir qədər yaradıcı olsunlar. Əgər onlar səsvermə prosesində "pozuntu" görmək istəyirlərsə, uzağa getmədən, öz partiya yoldaşlarının gülməli çıxışlarına nəzər salsınlar. Bu çıxışlar nəinki seçki pozuntusudur, həm də siyasi satiranın ən yüksək zirvəsidir. Axı, məhz öz "boğma texnikası" ilə seçki prosesinə "qədəm qoyan" Eldar Tağıyev müxalifətin "pozuntu" mifini gerçəklikdən daha da uzaqlaşdırdı.

Müsavatın bu "pozuntu" şousu bir daha göstərir ki, müxalifət öz yalanlarına o qədər inanıb ki, hətta öz əməllərini belə "fakt" kimi göstərməkdən çəkinmir. Stəkanda yaratdıqları fırtınanın tək bir məqsədi var: yenə də məğlubiyyətlərini "pozuntu" adı altında ört-basdır etmək. Ancaq bu dəfə, görünür, boğmaqla bu "pozuntunun" bir hissəsi olmağa qərar veriblər.

Ümumiyyətlə, bu gün keçirilmiş növbədənkənar parlament seçkilərinin arxasınca radikal müxalifətin, xüsusən də Müsavat Partiyasının və AXCP-nin təmsilçiləri növbəti dəfə özləri ilə miskin bir teatr səhnəsi yaratmağa çalışdılar. Yox, əziz oxucular, bu nə absurd dram, nə də komediyadır - bu, birbaşa siyasi fiyaskodur!

Radikal müxalifət liderləri, görünür, bu dəfə də özlərinin qurduğu yalan dolu səhnəni "əsassız iddialar mükafatı"na namizəd etməyi planlaşdırıblar. Səhərdən axşama kimi sosial şəbəkələrdə "pozuntular", "saxtakarlıqlar" barədə hay-küy qoparırlar. Amma gəlin görək, bu "dəlillər" nədir? Birincisi, çox vaxt bu videokadrlar o qədər zəif keyfiyyətdə olur ki, onları izləmək üçün insanın bir deyil, iki gözünü əsla qırpmaması tələb olunur. İkincisi, bəzi "skandal kadrlar" isə əlaqəsiz yerlərdə çəkilib, yəni həmin görüntülər seçkilərlə heç bir əlaqəsi olmayan səhnələrdir. Məsələn, bir videoda səsvermə məntəqəsi yerinə market kassası göstərilib, amma bizim radikallar bunu seçki məntəqəsi kimi təqdim edirlər.

Yalan ayaq açıb yeriyə bilər, amma həqiqət qaçır.

Radikal müxalifətin uydurmaları bu gün növbəti dəfə qaçan həqiqətə toqquşub yerə sərildi. Onların "böyük seçki fırıldağı" haqqında danışdıqları hər şey puç oldu, gerçəklik isə onları növbəti dəfə rüsvay etdi.

AXCP və Müsavat Partiyasının liderləri, görünür, öz məhdud tərəfdarlarının sayı ilə barışmayıb, onlara "xalqın səsi" olaraq danışmaq istəyirlər. Amma əslində nə var? Sosial şəbəkələrdə bu partiyaların paylaşımlarına bir neçə on minlik yalançı bəyənmə atmaqla, onlar özlərini böyük kütlə kimi göstərməyə çalışırlar. Əslində isə, bu partiyalar özlərinin kiçik tərəfdar qruplarını şişirdilmiş uydurmalarla qidalandırırlar.

Seçkilər boyu "pozuntular" barədə səsləndirilən hər iddia ya feyk çıxdı, ya da absurda çevrildi. Bu, radikal müxalifətin içində bulunduğu acınacaqlı vəziyyətin və özlərini aldatmaqdan əl çəkməyən liderlərin hekayəsidir.

Əgər radikal müxalifət liderləri yenidən belə "fəaliyyət" göstərəcəklərsə, onların gələcəyi də məhz bu günki kimi gülünc və miskin olacaq. "Böyük yalançının ağzında həqiqət qərar tuta bilməz," - deyib böyük mütəfəkkirlər. Bu yalanlar isə radikal müxalifətin yeganə "siyasi kapitalı" olaraq qalır və onlara heç nə qazandırmır.

Bəs xalq bu gün nə etdi? Xalq öz iradəsini nümayiş etdirdi, seçkilərdə iştirak etdi və əslində kimə etibar etdiyini bir daha sübut etdi. Radikal müxalifətin uydurmaları isə yalnız onların öz tərəfdarlarının dar çevrəsində qaldı, çünki ölkənin geniş əhalisi həqiqəti görür və dəyərləndirir.

Radikal müxalifət bu seçkilərdə növbəti dəfə özünü rüsvay etdi, xalq isə yenə də öz gücünü və iradəsini göstərdi. Gələcəkdə də bu yalan dolu nağılların yerini həqiqətlər tutacaq.

Orxan Hun
Milli.Az