Siyasət

Ukrayna səfiri etimadnaməsinin surətini XİN-ə təqdim etdi - FOTO

29 Aprel 2024 19:02

Baxış: 637

#XARİCİ İŞLƏR NAZİRLİYİ

Bu gün xarici işlər nazirinin müavini Samir Şərifov Ukraynanın Azərbaycana yeni təyin olunmuş fövqəladə və səlahiyyətli səfiri Yuriy Husyev ilə görüşüb.

Milli.Az xəbər verir ki, bu haqda XİN məlumat yayıb.

Bildirilib ki, səfir öncə etimadnaməsinin surətlərini təqdim edib.

Görüş zamanı Azərbaycanla Ukrayna arasında ikitərəfli əlaqələrin cari vəziyyəti və perspektivləri müzakirə olunub.

Ukraynanın səfiri Yuriy Husyev öz növbəsində Ukraynaya göstərdiyi dəstəyə görə Azərbaycan tərəfinə minnətdarlığını bildirib və Ukrayna ilə Azərbaycan arasında strateji tərəfdaşlığın möhkəmləndirilməsi üçün maksimum səy göstərməyə hazır olduğunu vurğulayıb.

Tərəflər həmçinin qlobal və regional təhlükəsizliklə bağlı gündəlikdəki məsələlər ətrafında fikir mübadiləsi aparıblar.

Səfirə ölkəmizdəki fəaliyyəti müddətində uğurlar arzulanıb.

Milli.Az
Xəbərlərimizi WhatsApp kanalımızdan da oxuyun