Siyasət

Rusiya və Ukrayna dövlət başçıları ilə sistemli şəkildə əlaqədəyik - Ərdoğan

16 Mart 2023 14:32

Baxış: 837

Rusiya Prezidenti Vladirmir Putin və Ukrayna Prezidenti Zelenski ilə sistemli şəkildə əlaqədəyik.

Milli.Az Trend-ə istinadən bildirir ki, bunu Türkiyə Prezidenti Rəcəb Tayyib Ərdoğan Ankarada keçirilən Türk Dövlətləri Təşkilatının Fövqəladə Zirvə görüşündə çıxışı zamanı deyib.

Ərdoğan bildirib ki, qalıcı sülhün formalaşması üçün Türkiyə danışıqlarda yaxından iştirak edir.

"Türkiyə tərəfləri danışıqlar masasına geri döndərmək üçün də səylərini davam etdirəcək", - deyə o əlavə edib.

Xatırladaq ki, martın 16-da Ankarada Türk Dövlətləri Təşkilatının (TDT) Dövlət Başçılarının Fövqəladə Zirvə görüşü keçirilir. Bu tədbirin Ankarada keçirilməsi Azərbaycan Respublikasının Prezidenti İlham Əliyevin təşəbbüsü ilə reallaşıb. Belə ki, daha əvvəl Zirvə görüşünün Şuşada keçirilməsi nəzərdə tutulmuşdu. Lakin Türkiyədə baş vermiş dəhşətli zəlzələ ilə əlaqədar Prezident İlham Əliyev qardaş ölkəyə dəstək məqsədilə Zirvə görüşünün Ankarada keçirilməsi təklifi ilə çıxış edib. Digər iştirakçı ölkələrin rəhbərliyi ilə razılaşdırıldıqdan sonra bununla bağlı müvafiq qərar qəbul olunub. Bu, bir daha Azərbaycan-Türkiyə qardaşlığının, Türk dünyasında qarşılıqlı dəstəyin və hörmətin bariz nümunəsidir.

Milli.Az