Siyasət

“ABŞ Ermənistanı Rusiyadan qoparmağa çalışır” - Zərdüşt Əlizadə

19 Sentyabr 2022 21:04
Baxış: 683

"Sözsüz ki, Pelosinin Ermənistan səfəri və verdiyi açıqlamalara görə, Rusiya hakimiyyətini təmsil edən şəxslər əsəbləşib. Amma Rusiya-Ermənistan münasibətlərinə bu səfər təsir göstərə bilməz. Rusiyanın Ermənistandakı təsir imkanlarını bir-bir sadalasaq görərik ki, Pelosinin səfəri bu amillərə təsir göstərmir. Məsələn, hərbi bazası, Ermənistan sərhədlərini qoruması, iqtisadiyyatın əsas və strateji istiqamətlərinə nəzarət, silah təchizatı, Qarabağ məsələsinə nəzarət və s.

Milli.Az teleqraf.com-a istinadən bildirir ki, bunu politoloq Zərdüşt Əlizadə ABŞ Konqresinin Nümayəndələr Palatasının sədri Nensi Pelosinin İrəvanda verdiyi açıqlamalarda üstüörtülü şəkildə Rusiyanı "vurmasının" nəticələri haqqında danışarkən deyib.

Əlizadə əlavə edib ki, Nikol Paşinyanın hazırda bacardığı bir iş var:

"Ermənistan hakimiyyətini qoruyub saxlaya bilir. Ancaq digər proseslərə təsir edə bilmir. Qısacası, bu səfər Rusiyanın Ermənistan üzərində təsirini azalda bilməz. Ancaq aydındır ki, ABŞ Ermənistanı Rusiyadan qoparmaq istəyir".

Zərdüşt Əlizadə Nensi Pelosinin İrəvanda çıxışı zamanı ermənilərlə farslar arasında baş verən müharibədən nümunə gətirməsini də qiymətləndirib:

"Əslində ABŞ-ın İrandan zəhləsi getdiyini nəzərə alaraq Pelosinin belə addımı İrana təzyiq kimi qiymətləndirilə bilər. İran bunu diqqətə alsa, bu, Ermənistan-İran əlaqələrinə təsir edə bilər. Amma İran yaxşı anlayır ki, Ermənistan ondan çox asılıdır. Hətta ABŞ-dan asılılığı daha azdır, nəinki İrandan. Bu mənada düşünmürəm ki, bu, İran-Ermənistan münasibətlərinə ciddi təsir göstərsin. Yəni Pelosinin fikirləri Ermənistanın İrandan asılılığının təsiri baxımından heç nədir".

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics