Maraqlı

“Amazon”un qurucusu Ceff Bezos baş direktor postunu tərk edib

8 İyul 2021 23:20

0 Şərh Baxış: 744

#TEXNOLOGİYA

Dünyanın ən böyük onlayn-riteylərindən biri olan "Amazon" kompaniyasının qurucusu Ceff Bezos baş direktor postunu tərk edib.

Milli.Az ted.az-a istinadən bildirir ki, Bezosu bu vəzifədə "Amazon Web Services" xidmətinin rəhbəri Endi Cessi əvəzləyib.

Ceff Bezosun baş direktor postunu tərk edəcəyi fevralda məlum olmuşdu. Mayda isə o, vəzifədən "Amazon"un yarandığı gün - iyulun 5-də gedəcəyini bildirmişdi. Bundan sonra 57 yaşlı biznesmen kompaniyanın idarə heyətinin sədri olaraq qalacaq və onun səhmlərinin 10 faizinə sahib olmaqda davam edəcək.

Dünyanın ən varlı insanlarının reytinqinə başçılıq edən Ceff Bezosun sərvəri 177 milyard dollar həcmində qiymətləndirilir.

Milli.Az