Maraqlı

İşıqlı məkanları sevən və müsbət enerji yaradan kaktus

19 Avqust 2019 22:44
3 Şərh     Baxış: 842

Kaktus ən çox yayılmış dibçək bitkilərindən biridir. Onun müxtəlif formalı boz tikanlı növləri var. Az qulluq tələb edən dibçək gülü hesab edilir, düşdüyü şəraitə dərhal uyğunlaşır. Görkəmi cəlbedici olmasa da, evdə atmosfer yaradılmasında və sakinlərin sağlamlığında müsbət rola malikdir. Səhra bitkisi olduğuna görə istiyə davamlıdır.

Milli.Az AZƏRTAC-a istinadən bildirir ki, orta əsrlərdə kaktus avropalılar üçün ekzotik bitki sayılırdı. Amerika qitəsində onu atsek mədəniyyətini bir hissəsi hesab edir və meyvələrini yeyərək bəzək bitkisi kimi bağlarda əkir, şəfa vasitəsi kimi istifadə edir və sehrli gücünə inanırdılar. Hətta onu qapı və pəncərəyə qoymaqla özlərini müəyyən qüvvələrdən qoruduqlarını güman edirdilər.

Kaktus vegetativ üsulla - kökündən cavan bitkiləri ayırmaqla çoxaldılır. Kökündən ayrılmış kaktus digər dibçəklərdə dərhal böyüməyə başlayır. Suya çox ehtiyac duymur, buna görə də onu torpaq həddindən artıq quruduqdan sonra sulamaq lazımdır. Yaz aylarında gübrələnən kaktuslar uzun müddət çiçəkləyir. İşıqlı məkanları sevir.

Dibçəkləri soyuq günlərdə mütləq temperaturu 15-16 dərəcədən aşağı olmayan otaqda saxlamaq lazımdır. Bitkinin yeri işıq və kölgə sevən xüsusiyyətindən asılı olaraq seçilir. İsti aylarda gülləri açıq havada günəş işığı düşən yerə qoymaq məsləhətdir.

Kaktus özündə böyük miqdarda enerji saxlayır. O, becərildiyi evdə mənzil sahiblərini mənfi təsirlərdən qoruyur, müsbət enerji yaradır. Onu yerləşdirmək üçün ən yaxşı yer iş otağı, mətbəx və dəhlizdir. Kaktus əqli fəaliyyəti aktivləşdirir, düşüncənin normallaşmasına kömək edir. Miqren ağrılarını neytrallaşdırır, yoluxucu xəstəliklər və eroziya zamanı faydalı təsir göstərir. Onun iş otağındakı pəncərə önünə qoymaq məhsuldar iş şəraitinin təmin edilməsinə xidmət edir.

Milli.Az

loading...

Şərh yaz:

3 Şərh:

  • Anonim
    asi · 19 Avqust 23:4920

    Ən çox sevdiyim gül).

    Cavab yaz
  • Anonim
    Hemide xanim · 20 Avqust 00:3110

    Men kaktuslari cox sevirem,3 nov kaktusum var

    Cavab yaz
  • Anonim
    Ulya · 20 Avqust 07:2700

    Bir gun ishden gelmishem eve gorurem ki, papamla oglum yaman bir-birleri ile him-cim edirler. Anlamiram. Sonra birden yadima dushdu ki, kaktusum gozune deymir. Sen deme bizim balaca qehreman ne edibse,nece edibse kaktus dibcheyi pencerenin agzindan dushub, hem kaktusum, hem dibcheyi qirilib :( eslinde o kaktusu mene ele oglum oz pulunu yigib 8martda mene almishdi deye lap ezizleyirdim. Qirilmasina uzuldum, amma ne edim....

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.