Texnologiya

Telefonun batareya ömrünü necə artıraq?

14 İyun 2026 05:05
Baxış: 326
VTB-də minimal faiz dərəcəsi ilə nağd kredit 9.9%-dən
#MARAQLI #TEXNOLOGİYA #MOBİL TELEFON

Smartfonun batareya ömrünü daha da uzatmaq üçün onun performans profillərini tənzimləmək tövsiyə olunur.

Milli.Az oxu.az-a istinadən xəbər verir ki, bu barədə "MakeUseOf" portalı məlumat yayıb.

Bildirilir ki, bir çox "Android" cihazında standart olaraq "normal" və ya "yüksək məhsuldarlıq" profilləri aktiv olur. Bu funksiya seçilmiş tənzimləmələrə əsasən qadcetin iş gücünü artırır və ya azaldır. Texnologiya mütəxəssisləri istifadəçilərə cihazı "aşağı məhsuldarlıq" (light) profilinə keçirməyi təklif edirlər.

"MakeUseOf" resursu qeyd edir ki, smartfonun enerjisini qoruyan bu metodu çox az insan bilir. Məqalə müəlliflərinin sözlərinə görə, gündəlik əməliyyatların əksəriyyəti prosessorun və operativ yaddaşın tam gücü ilə işləməsini tələb etmir. Aşağı enerji sərfiyyatı rejimində belə zənglər, sosial şəbəkələr və digər baza proqramları qüsursuz fəaliyyət göstərir.

Mütəxəssis Pankil Şah "yüngül məhsuldarlıq" profilinə keçirdiyi "Samsung" smartfonunu sınaqdan keçirib. Nəticədə məlum olub ki, cihazın iş sürətində heç bir zəifləmə müşahidə edilməsə də, batareyanın iş müddəti bir saat artıb. Enerji effektivliyini daha da yaxşılaşdırmaq üçün mütəxəssis OLED və AMOLED displeylərdə qaranlıq mövzudan ("dark mode") istifadə etməyi və ekranın 30 saniyə ərzində avtomatik kilidlənməsi funksiyasını aktivləşdirməyi məsləhət görür.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.