Dünya

Bu ölkədə səma narıncıya boyandı - 280 min insan xəstələndi

15 Oktyabr 2026 16:55

Baxış: 494

VTB-də minimal faiz dərəcəsi ilə nağd kredit 9.9%-dən

#DÜNYADA #INDONESİA #İNDONEZİYA

İndoneziyada meşə və quru yanğınlarından yayılan sıx tüstü səmanı narıncı rəngə boyayıb, görünüş məsafəsini azaldıb. Hava çirkliliyindən təsirlənən yeddi əyalətdə 280 minə yaxın kəskin respirator infeksiya halı qeydə alınıb.

Milli.Az qafqazinfo-ya istinadən xəbər verir ki, İndoneziya Səhiyyə Nazirliyinin açıqladığı məlumata görə, oktyabrın 12-dək yanğınlardan zərər çəkən ərazilərdə 277075 nəfərdə kəskin respirator infeksiya aşkarlanıb.

Vəziyyətlə əlaqədar bölgələrə 2106 səhiyyə işçisi göndərilib, 2,8 milyondan çox maska paylanıb. Hakimiyyət orqanları yanğın tüstüsündəki xırda hissəciklərin öskürək və nəfəs darlığına səbəb ola biləcəyi, həmçinin astma əlamətlərini ağırlaşdıra biləcəyi barədə xəbərdarlıq edib.

Əsasən, Sumatra və Borneo adalarında baş verən yanğınların tüstüsü qonşu Malayziya və Sinqapura qədər yayılıb. Bəzi ərazilərdə sıx tüstü yolların və binaların görünməsini çətinləşdirib, havanın keyfiyyəti ilə bağlı narahatlığı artırıb.

Müəllif: Tural Hüseyn (Milli.Az redaktor)