Texnologiya

"Apple"dan "İphone" istifadəçiləri üçün yenilik

7 Avqust 2024 19:00
Baxış: 1 065
VTB-də minimal faiz dərəcəsi ilə nağd kredit 10.49%-dən

"Apple" şirkəti "Safari" brauzeri üçün yeni funksiyanı təqdim edib.

Milli.Az metbuat.az-a istinadən bildirir ki, iOS 18 Beta 5 yeniləməsində ortaya çıxan "Distraction Control" adlı xüsusiyyət iPhone istifadəçilərinə Safari proqramında saytlarda müəyyən elementləri aradan qaldırmağa imkan verəcək.

İstifadəçilər "Ağıllı Axtarış" bölməsindəki "Səhifə" menyusundan "Diqqətin Dağılmasına Nəzarət" alətinə daxil olaraq, hər hansı saytdan silmək istədikləri elementi seçməlidirlər. "Safari" növbəti dəfə həmin sayta daxil olanda, elementləri silməyi xatırlayacaq.

"Distraction Control" adlı funksiya "Safari" proqramından tez-tez istifadə edənlər üçün çox funksional olacaq.

Sosial medianın bütün dünyada məşhur olduğu və məzmunun sürətlə istehlak edildiyi günümüzdə diqqətin yayınması bir çox insanın həyatına mənfi təsir göstərir. "Apple" insanların diqqətinin yayınmasının qarşısını almaq və oxuyarkən diqqətlərini cəmləşdirməyə kömək etmək üçün bu funksiyanı təqdim edib.

Silinmiş elementlər iPhone istifadəçisi tərəfindən bir-bir seçiləcək və cihazlar arasında sinxronizasiya olunmayacaq.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.