Sağlamlıq

Bədən yaxşı görünsün deyə içirik, ancaq öldürə bilər - Həkim açıqladı

8 May 2025 22:00

Baxış: 1 039

VTB-də minimal faiz dərəcəsi ilə nağd kredit 10.49%-dən

#CƏMİYYƏT #İDMAN #SAĞLAMLIQ #SAĞLAM QİDA

Son illərdə gənclər arasında protein tozu istifadəsi sürətlə artıb. Bədən quruluşunu inkişaf etdirmək və əzələ kütləsini artırmaq məqsədilə istifadə edilən protein tozları əslində yanlış istifadə hallarında ciddi sağlamlıq problemlərinə səbəb ola bilər.

Qastroenterologiya üzrə mütəxəssis Prof. Dr. Vedat Göral protein tozlarının zərərli tərkib hissələrinin qaraciyər funksiyasını pozaraq, qaraciyər çatışmazlığı, siroz və hətta qaraciyər transplantasiyasına qədər ciddi problemlərə səbəb ola biləcəyini bildirib.

"Protein tozları məsum deyil", - deyən Prof. Dr. Göral gənclərin xüsusən də əzələ kütləsini artırmaq məqsədilə protein tozlarına yönəldiklərini bildirib. Bu tozlar daha fit bədən təqdim etsə də, həmişə zərərsiz olmurlar. Protein tozları əsasən süd, yumurta, soya və peynir altı suyu (whey proteinləri) əsasında hazırlanır. Lakin bunlara bəzən toksik maddələr və anabolik steroidlər də əlavə oluna bilər ki, bu da bədənin əzələ kütləsini artırmaqla yanaşı, qaraciyər funksiyalarını pozaraq ciddi sağlamlıq problemlərinə səbəb ola bilər.

Prof. Dr. Göral, xüsusən alkoqol ilə birlikdə istifadə olunan protein tozlarının daha təhlükəli olduğunu və qaraciyər xəstəlikləri və qaraciyər yağlanması olan insanlar üçün ciddi təhlükə yaratdığını bildirdi. Bu məhsullar yalnız qaraciyəri deyil, həmçinin böyrək funksiyalarını da poza bilər. Bəzən bu tip əlavələr ürək problemlərinə və hətta ölüm hallarına gətirib çıxara bilər.

Protein tozlarının uzun müddət və yüksək dozada istifadəsi təhlükəlidir. Prof. Dr. Göral, bu cür məhsulları yalnız həkim məsləhəti ilə və düzgün dozada istifadə etməyin vacib olduğunu vurğulayıb.

Həkim bildirib ki, protein tozunun əvəzinə yumurta, balıq, ət, pendirdən istifadə etmək daha məqsədəuyğundur.

İsmayıl
Milli.Az