Sağlamlıq

Hündürdaban ayaqqabının bu təhlükəsini heç kim bilmir - Xəbərdarlıq

16 Sentyabr 2026 11:25

Baxış: 120

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Hündürdaban ayaqqabıların uzun müddət istifadəsi yalnız ayaqlara deyil, bədənin ümumi tarazlığına da təsir göstərə bilər.

Milli.Az xəbər verir ki, ümumi cərrahiyyə mütəxəssisi dosent Atıf Tekinin sözlərinə görə, hündürdaban ayaqqabı geyinərkən bədənin ağırlıq mərkəzi önə doğru dəyişir. Bu zaman tarazlığı qorumaq üçün bel əyriliyi artır və çanaq önə doğru əyilir.

Mütəxəssis bildirib ki, bu dəyişiklik çanaq dibi əzələlərinə əlavə təzyiq yarada bilər. Qarın daxili təzyiqin artması isə venoz qanın geri qayıtmasını çətinləşdirərək zamanla hemoroidlərin şişməsinə və sallanmasına şərait yarada bilər.

Atıf Tekin qeyd edib ki, hündürdaban ayaqqabı birbaşa hemoroidə səbəb olmur, lakin xəstəliyi üzə çıxaran amillərdən biri ola bilər.

Onun sözlərinə görə, genetik meyillilik, hərəkətsiz həyat tərzi və lifdən az istifadə də hemoroidin yaranmasına təsir edən əsas amillərdəndir.

Mütəxəssis uzun müddət hündürdaban ayaqqabı geyinənlərə gün ərzində fasilələrlə hərəkət etməyi, duruşa diqqət yetirməyi və mümkün olduqda ayaqqabını dəyişməyi tövsiyə edib. Masa arxasında çalışanların isə qan dövranını yaxşılaşdırmaq üçün ayaq biləyi hərəkətləri etməsinin faydalı olduğunu bildirib.

Müəllif: Mina Mikayılova (Milli.Az müxbir)