Sağlamlıq

Soyuqdəymənin müalicəsi zamanı buraxılan 4 əsas səhv

13 Dekabr 2023 02:20

Baxış: 1 176

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK #QRİP

İnsanlar çox vaxt kəskin respirator virus infeksiyaları (KRVİ) və qripdə özünümüalicə ilə məşğul olurlar, çünki onlar artıq mövsümi soyuqdəymələrə öyrəşiblər. Ancaq pandemiyadan sonra bütün dünyada KRVİ, qrip və COVID-19-un paralel dalğası var. Belə şəraitdə dəqiq diaqnoz qoyulmadan özbaşına müalicə etmək olmaz.

Milli.Az oxu.az-a istinadən xəbər verir ki, bu barədə rusiyalı həkim Aleksandr Lavrişov soyuqdəymə zamanı buraxılan məşhur səhvlər barədə danışarkən bildirib.

Həkim ilk səhvlərdən biri kimi vaksinlərə qarşı qorxu və ya inamsızlığı göstərib. Həkim qeyd edib ki, vaksin sağaltmır, o sadəcə immunitet sistemini gücləndirir və bu prosedur istənilən vaxt həyata keçirilə bilər.

Lavrişev daha sonra vurğulayıb ki, bu gün soyuqdəymə üçün universal antiviral dərman yoxdur.

"Qrip və koronavirus üçün ayrıca dərmanlar var. Bununla belə bu preparatlar bütün virusları məhv etmir, ancaq konkret viruslarla mübarizə aparır", - deyə terapevt izah edib.

Həkim həmçinin qan testi və həkim resepti olmadan, xüsusən də profilaktika məqsədilə antibiotik qəbul etməməyə çağırıb.
Bundan başqa ümumi zəiflik olduqda yüksək hərarətə dözməkdən çəkindirib.

Sonda Lavrişov soyuqdəymə zamanı buraxılan daha bir səhvə işarə edib.

"Çox vaxt hamilə qadınlar körpəyə zərər verəcək mifi ilə əlaqədar dərman qəbul etmirlər. Ancaq bu gün KRVİ-yə qarşı hamilə qadınların qəbul edə biləcəyi çox sayda dərman var", - deyə o, sözlərini yekunlaşdırıb.

Milli.Az
Xəbərlərimizi WhatsApp kanalımızdan da oxuyun