Sağlamlıq

Qurban əti ilə bağlı vacib xəbərdarlıq: Bu səhvləri etməyin

26 May 2026 10:40

Baxış: 479

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Qurban bayramı yaxınlaşdıqca qurbanlıq heyvanların seçimi, kəsim prosesi və ətin düzgün saxlanılması ilə bağlı müzakirələr artır.

Milli.Az xəbər verir ki, mütəxəssislər xəbərdarlıq edirlər ki, bayram günlərində yol verilən bəzi səhvlər həm qida təhlükəsizliyini pozur, həm də ciddi sağlamlıq problemlərinə səbəb ola bilər.

Qurbanlıq heyvan seçərkən ilk diqqət edilməli məqam onun yaş həddidir. Bildirilib ki, heyvan ən azı altı aylıq olmalı və fizioloji inkişafını tamamlamış vəziyyətdə seçilməlidir. Vaxtından əvvəl kəsilən heyvanların həm qida dəyəri aşağı olur, həm də damazlıq ehtiyatlarına mənfi təsir göstərir.

Kəsim zamanı gigiyena qaydalarına əməl olunmaması da ciddi risk yaradır. Kəsim sahəsi daim təmiz saxlanmalı, qan və tullantılar vaxtında təmizlənərək dezinfeksiya edilməlidir.

Ətin saxlanma qaydaları ilə bağlı da vacib məqamlar var. Soyuducuda +4 dərəcə temperaturda ət 48-72 saat müddətində saxlanıla bilər. Daha uzun müddət üçün isə məhsul hissələrə ayrılaraq -18 dərəcə temperaturda dondurulmalıdır. Donu açılmış ətin yenidən dondurulması qida zəhərlənməsi riskini artırır.

Bundan əlavə, bişmiş ət yeməklərinin otaq temperaturunda uzun müddət saxlanılması məsləhət görülmür. Xüsusilə kabab və sac yeməklərinin hazırlandıqdan sonra qısa müddətdə istehlak olunması tövsiyə edilir.

Fidan
Milli.Az