Faydasını eşidən bazara qaçır - ildə cəmi 3 ay satılır

İlin yalnız müəyyən dövrlərində tapılan bu xüsusi ot həm ləzzəti, həm də faydaları sayəsində bir çox insanın piştaxtalarda ilk axtardığı məhsullar sırasındadır.

Milli.Az xəbər verir ki, qanqal bahar aylarının gəlişi ilə yenidən bazarlarda görünməyə başlayıb. İlin yalnız qısa bir dövründə yetişən bu bitki şəfa mənbəyi hesab olunur.

Xüsusilə mart, aprel və may aylarında toplanan qanqal bölgələrindəki kənd yerlərində təbii olaraq bitir. Tikanlı quruluşuna görə toplanması olduqca zəhmətli olan bu bitki səhər tezdən tarlalardan və dağ yamaclarından tək-tək yığılır. Bu səbəbdən də bazarlarda onu hər vaxt tapmaq asan olmur.

Faydaları nələrdir?
Mütəxəssislərin fikrincə, bu bitki lif baxımından olduqca zəngindir. Bu xüsusiyyəti sayəsində həzm sisteminin müntəzəm işləməsinə kömək edir və ağır yeməklərdən sonra mədəni rahatladır.

Uzun müddət toxluq hissi verdiyi və aşağı kalorili olduğu üçün pəhriz siyahılarında tez-tez yer alır.

Tərkibindəki C vitamini, kalium və antioksidantlar sayəsində bədənin müqavimətini artırır.

Xalq arasında bu otun qaraciyər fəaliyyətini dəstəklədiyi və bədəndəki ödemi (şişkinliyi) atmağa kömək etdiyi bilinir.

Mütəxəssislər xəbərdarlıq edir ki, hər bir qidada olduğu bura da həddindən artıq istehlakdan qaçmaq lazımdır.

Qanqalın ən çətin tərəfi təmizlənmə mərhələsidir. Tikanlı xarici qabığına görə diqqətlə ayıklanmalı və bol su ilə bir neçə dəfə yuyulmalıdır. Yeməklərdə adətən onun kök hissəsi və yumşaq gövdəsi istifadə olunur.

Bu ot ən çox quzu əti ilə bişirilir. Lakin zeytun yağı ilə hazırlanan forması da çox sevilir. Soğanla qovrulduqdan sonra üzərinə limon sıxılaraq bişirilən qanqal süfrəyə qatıqla birlikdə verilə bilər. Bəzi insanlar isə onu qaynadaraq salatlara qatır və ya yumurta ilə qovurmasını hazırlayır. 

Lalə Qüdrətova
Milli.Az