Dünya

Trampa sui-qəsd planına görə 27 il həbs cəzası aldı

18 Noyabr 2026 12:38
Baxış: 156
VTB-də minimal faiz dərəcəsi ilə nağd kredit 9.9%-dən

ABŞ-də Pakistan vətəndaşı Asif Merçant prezident Donald Trampa qarşı sifarişli qətl təşkil etməyə cəhd etdiyinə görə 27 il 6 ay müddətinə azadlıqdan məhrum edilib.

Milli.Az xəbər verir ki, bu barədə "İnterfaks" ABŞ Ədliyyə Nazirliyinə istinadən məlumat yayıb.

İttiham tərəfinin iddiasına görə, 48 yaşlı Merçant İran İslam İnqilabı Keşikçiləri Korpusunun (SEPAH) tapşırığı ilə hərəkət edib. Trampdan əlavə, onun mümkün hədəfləri arasında ABŞ-nin keçmiş prezidenti Co Bayden və ölkənin BMT-dəki keçmiş daimi nümayəndəsi Nikki Heyli də olub.

Qeyd edək ki, Merçant 2026-cı ildə ehtimal olunan muzdlu qatillərə ilkin ödəniş etdikdən sonra saxlanılıb. Sonradan isə onun əlaqə saxladığı şəxslərin əslində ABŞ Federal Təhqiqat Bürosunun (FTB) məxfi əməkdaşları olduğu məlum olub.

Müəllif: Malik Məlikov (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.